Reunionnan Di Sirbishi Pa Mart

Siman di 4 di Mart

Cantica 1

10 min: Anuncionan local. Anuncionan selectá for di Nos Ministerio di Reino.

15 min: “Bendicioná Jehova ‘Henter Dia.’ ” Pregunta i contesta. Lesa §2-5 segun tempu ta permití. Duna animacion positivo pa traha e trabou di pionero auxiliar i regular.

20 min: “Conocimentu dje Dios Berdadero Ta Hiba na Bida.” Repasá e presentacionnan cu ta ser sugerí. Tene un of dos demostracion. Ofrecé algun ehempel di maneranan cu nos por cu tacto haci e doñonan di cas conciente di nan oportunidad pa contribuí.

Cantica 78 i oracion di conclusion.

Siman di 11 di Mart

Cantica 164

10 min: Anuncionan local. Informe di cuenta.

20 min: “Beneficiá dje Scol di Ministerio Teocrático pa 1996​—⁠Parti 3.” Discurso na encargo dje superintendente di scol. Animá tur cu por pa inscribí den e scol i cumpli fielmente cu nan partinan dor di prepará nan tan pronto cu nan ricibí e papel di asignacion. Ademas, tur participante ta ser animá pa purba chek e textonan cu lo ser usá den nan parti cu textonan cu a ser traducí caba den bukinan i/of revistanan di manera cu nan lo reflehá unidad i transmití e mésun nificacion cu esnan usá den e publicacionnan.

15 min: Haci Cosnan Huntu Como Famia. Tata ta papia cu su famia informalmente tocante e necesidad di haci cos huntu, basá riba e Toren di Vigilancia di 1 di september, 1993, página 16-19. Concentrá riba e studio di famia i e trabou di evangelisá. Señalá con famianan moderno ta cayendo for di otro debí cu nan ta pasa poco tempu huntu i casi no tin ningun interes en comun. Studiando e Palabra di Dios i participando den e ministerio huntu ta un bendicion pa e famia cristian. Enfatisá e necesidad p’e tata organisá e cosnan aki bon i pa e mama cooperá. Yunan mester mustra un interes den actividadnan spiritual, trahando estrechamente cu e mayornan. Famia lo ta uní i lo ser fortificá pa enfrentá cu éxito e creciente presionnan pa adoptá actitudnan mundano.

Cantica 211 i oracion di conclusion.

Siman di 18 di Mart

Cantica 6

10 min: Anuncionan local. Esnan cu ta conduciendo studionan mester animá esnan nobo cu ta progresando bon den nan studio di Bijbel pa sigui tras dje meta di bira publicadornan no-bautisá. Mayornan tambe por yuda nan yunan bira publicador. Repasá e procedura cu ta ser recomendá den e buki Organisá pa Cumpli cu Nos Ministerio, página 97-100.

15 min: Repasá Puntonan Sobresaliente dje Anuario para 1996 de los Testigos de Jehová. Un famia ta considerá algun dje rasgonan interesante tocante nos actividad mundial cu ta ser tratá na página 3-5 i 33. Nan ta palabrá pa tur dia nan purba di lesa huntu un par di página for dje Anuario despues cu nan considerá e texto bíblico for dje foyeto Examinando e Scritura Diariamente.

20 min: “Yuda Otro Hende Adkerí e Conocimentu cu Ta Hiba na Bida.” Repasá e presentacionnan cu ta ser sugerí pa usa na rebishita. Incluí un of dos demostracion. Enfatisá e meta di cuminsá studionan.

Cantica 130 i oracion di conclusion.

Siman di 25 di Mart

Cantica 5

15 min: Anuncionan local. Repasá “Recordatorionan pa Memorial.” Splica pakico ta importante pa asistí. (Mira La Atalaya di 15 di februari, 1985, página 18-20.) Repasá plannan pa yuda esnan di edad, esnan enfermo i esnan nobo pa ta presente. Considerá areglonan cu a ser hací pa mas actividad di sirbishi di veld durante e siman binidero aki. Tambe, repasá e artículo, “Caminda Hospitalidad Ta Ser Mustrá na Hende Desconocí,” na página 32 dje ¡Despertad! di 22 di september, 1995.

15 min: Caha di Pregunta. Discurso na encargo di un anciano. Considerá motibunan cu ta impulsá nos pa ta generoso, manera a ser describí den La Atalaya di 15 di januari, 1992, página 16-17.

15 min: “Preparacion​—E Clave pa Tin Exito.” Pregunta i contesta. Mencioná cu nos lo ta ofreciendo E Toren di Vigilancia i Spierta! durante april i mei. Prepará for di awor dor di haci pedido pa extra cantidad di revista, obtené papelnan di abonament bashí i traha plan pa apoyá areglonan di congregacion pa actividad di Dia di Revista (tur diasabra).

Cantica 7 i oracion di conclusion.