Reunionnan Di Sirbishi Pa September

Siman di 2 di September

Cantica 98

12 min: Anuncionan local. Anuncionan selectá for di Nos Ministerio di Reino. Animá tur hende, i specialmente e conductornan di Studio di Buki di Congregacion, pa repasá e artículo den Nos Ministerio di Reino di september 1992 titulá “Studiando E homber mas importante.” Resaltá puntonan principal dje artículo.

15 min: “Cana pa Fe.” Pregunta i contesta.

18 min: “Presentando e Bon Nobo cu un Actitud Positivo.” Basa comentarionan di introduccion riba §1. Splica cu como oferta alternativo p’e buki Creación, por usa e buki Biba pa semper of e buki Logrando felicidad den bida di famía si e congregacion tin nan na stock. Despues abarcá solamente §2-5 dje artículo. Demostrá presentacionnan bon prepará cu ta mustra con pa ofrecé e buki Creación, haci un rebishita i cuminsá un studio for dje buki Conocimentu.

Cantica 48 i oracion di conclusion.

Siman di 9 di September

Cantica 18

12 min: Anuncionan local. Informe di cuenta. Considerá “Predicá e Reino.” E conductornan di Studio di Buki di Congregacion ta ser animá pa busca drechi di esnan cu no a entregá raport den augustus. Haci areglonan pa e publicadornan iregular aki por sali den sirbishi di veld huntu cu un publicador maduro. Laga nan beneficiá di ensayá un presentacion na cas promé cu nan sali den veld, miéntras cu mayornan ta ser animá pa haci mescos cu nan mes yunan.

18 min: Repasá e Congregacion Su Raport di Aña di Sirbishi 1996. Discurso edificante i animá na encargo dje superintendente di sirbishi. (Mira e buki Nos Ministerio, página 100-2.) Indicá den kico e congregacion tabata bon i duna encomendacion. Mustra con e actividad dje pioneronan regular i auxiliar a haci hopi pa yuda adelantá e trabou localmente. Mencioná cifranan di asistencia na reunion, enfatisando e importancia di asistencia regular. Describí metanan práctico cu e congregacion por purba alcansá den e aña binidero.

15 min: “Presentando e Bon Nobo cu un Actitud Positivo.” Repasá solamente §6-8, i demostrá e presentacionnan di negoshi-pa-negoshi di tantu e bishita inicial como dje rebishita. (Mira sugerencianan adicional den Nos Ministerio di Reino di september 1989 [na spañó], página 4.) Animá tur ruman pa haci nan rebishitanan unbes.

Cantica 123 i oracion di conclusion.

Siman di 16 di September

Cantica 10

15 min: Anuncionan local. Mencioná e resultadonan excelente di usa e video Los testigos de Jehová... La organización tras el nombre pa dirigí personanan interesá n’e organisacion. Relatá brevemente un of dos experencia for di La Atalaya di 1 di october, 1992, página 30-1.

15 min: “Sea un Ehempel den Papiamentu i den Conducta.” Pregunta i contesta.

15 min: Conducta Cristian na Scol. Tata ta papia cu su yu homber of yu muher pa indicá e trampanan serio cu tin den ambiente di scol; e tata ta enfatisá cu ta necesario pa vigilá bo asociacion i pa evitá actividadnan cuestionabel. E ta repasá e cuadro na página 24 dje foyeto Educacion i ta splica cu ta necesario pa pone un bon ehempel como un Testigo. Tata ta mencioná algun tentacion cu ta presentá enbolbiendo uso di droga, trahamentu di afsprak pa sali cu e sexo opuesto, asistiendo na reunionnan social of participacion den deporte; nan ta papia tocante con pa evitá problemanan. Tata ta animá e hóben pa no tarda pa cont’é den confiansa ora e ta enfrentá dificultadnan​—⁠e tata kier sa di nan i kier yuda.

Cantica 32 i oracion di conclusion.

Siman di 23 di September

Cantica 21

10 min: Anuncionan local. Splica pakico ta importante pa duna personanan interesá un chens di yuda sostené nos trabou vital.

15 min: Necesidadnan local. Of un discurso basá riba “Wak Mas Ayá dje Cosnan cu Bo Ta Mira!” den e Toren di Vigilancia di 15 di februari, 1996, página 27-9.

20 min: “Predicá e Bon Nobo Tur Caminda.” Pregunta i contesta. Abarcá solamente §1-15. Lesa §3 i 5. Incluí experencianan local di esnan cu tabatin éxito haciendo testificacion riba caya of den transporte público.

Cantica 215 i oracion di conclusion.

Siman di 30 di September

Cantica 171

12 min: Anuncionan local. Considerá Caha di Pregunta.

20 min: “Predicá e Bon Nobo Tur Caminda.” Pregunta i contesta. Abarcá §16-35. Mustra con por aplicá e sugerencianan localmente. Tene un demostracion di §23-5. Lesa §34-5.

13 min: Repasá Oferta di Literatura pa October. Nos lo ofrecé e revistanan Toren di Vigilancia i Spierta! Por ofrecé abonament ora haci rebishita. Considerá vários punto, manera: (1) E propósito pakico ta publicá e revistanan, manera e páginanan di introduccion ta splica. (2) Nan ta ser publicá den hopi idioma, haciendo conocimentu bíblico disponibel na tur parti di mundu. (3) E Toren di Vigilancia ta diseñá pa studio personal, di famia i den grupo. (4) Hende asociá cu hopi diferente religion ta lesa nan. (5) Nos lo entregá e edicionnan mas recien personalmente na cualkier persona cu sinceramente kier lesa nan. (6) Nan ta specialmente diseñá pa hende ocupá. (7) E Toren di Vigilancia ta ser publicá desde 1879; Spierta! desde 1919. (8) Nos ta laga nan pa un contribucion chikitu. Concluí dor di relatá comentarionan cu un lector apreciativo a haci.​—⁠Mira La Atalaya di 15 di april, 1986, página 32.

Cantica 3 i oracion di conclusion.