Reunionnan Di Sirbishi Pa November
Siman di 4 di November
Cantica 29
10 min: Anuncionan local. Anuncionan selectá for di Nos Ministerio di Reino. Comentá riba e raport di sirbishi di veld di juli p’e tres islanan i p’e congregacion local.
15 min: “Bo Ta Manehando e Palabra di Dios Corectamente?” Pregunta i contesta. Incluí comentario riba “Motibunan pakico mester examiná e Bijbel,” for dje buki Razonamiento, página 61-2 [na ingles, página 58-60].
20 min: “Esaki Ta Nificá Bida Eterno.” (§1-5) Despues di comentarionan breve di introduccion riba §1, laga dos publicador capacitá demostrá e presentacionnan den §2-5. Incluí un recordatorio pa mencioná e contribucion ora di laga literatura. Enfatisá e meta di cuminsá un studio di Bijbel.
Cantica 128 i oracion di conclusion.
Siman di 11 di November
Cantica 40
10 min: Anuncionan local. Informe di cuenta.
20 min: Pakico Duna na Jehova? Consideracion entre dos anciano, resaltando puntonan principal dje artículo na página 28-31 di E Toren di Vigilancia di 1 di november, 1996. Of e informacion por ser presentá como discurso na encargo di un anciano.
15 min: “Esaki Ta Nificá Bida Eterno.” (§6-8) Considerá e bentahanan di usa un manera directo di abordá pa cuminsá studionan. Laga publicadornan experenciá demostrá e presentacionnan den §6-7. Invitá e auditorio pa conta di ocasionnan caminda nan a cuminsá un studio n’e bishita inicial. Ora a ofrecé un homber un studio directamente, el a contestá: “Sí. Drenta paden. Lo mi tin masha gana di tin un studio.” A cuminsá e studio cuné, henter su famia a sinta den e studio e siguiente siman, i pronto nan tur tabata asistiendo n’e reunionnan i participando den e trabou di duna testimonio. Animá tur presente pa trece nan copia dje suplemento di Nos Ministerio di Reino di juni 1996 p’e Reunion di Sirbishi di otro siman.
Cantica 129 i oracion di conclusion.
Siman di 18 di November
Cantica 140
10 min: Anuncionan local. Repasá areglonan di sirbishi pa fin di siman.
15 min: “Nos Tin un Comision pa Predicá.” Pregunta i contesta. Comentá brevemente riba §13-16 di La Atalaya di 1 di januari, 1988, página 28-9.
20 min: Conduciendo Studionan di Bijbel Progresivo. Discurso na encargo dje superintendente di sirbishi. Nos ta usando pa mas cu un aña e buki Conocimentu den e trabou di duna studio di Bijbel. Probablemente algun studiante ya caba a termin’é, miéntras cu otronan ta basta leu den e buki. Nos a ser animá pa concentrá riba conducí studionan diseñá pa yuda esnan nobo siña e berdad rápidamente, aplik’é den nan bida i bira parti dje congregacion. E suplemento di Nos Ministerio di Reino di juni 1996 a duna sugerencianan excelente pa yuda nos ser maestronan eficas. Repasá brevemente algun dje cosnan cu nos por haci pa siña e studiantenan ábilmente, manera a ser tratá den §3-13 dje suplemento ei. Despues, concentrá riba loke tin cu haci pa yuda nan tuma un posicion positivo, manera ta ser describí den §14-22. Lesa §15, 17, 20-1. Repasá algun informe positivo cu ta mustra cu publicadornan local a logra bon resultadonan. Animá mas publicador pa participá den e trabou di duna studio di Bijbel.
Cantica 85 i oracion di conclusion.
Siman di 25 di November
Cantica 46
5 min: Anuncionan local.
15 min: “Compartí cu Otronan Segun Nan Necesidad.” Discurso na encargo di un anciano.
10 min: Caha di Pregunta. Consider’é cu auditorio.
15 min: Repasá Oferta di Literatura pa December. Ofrecé e Traducción del Nuevo Mundo huntu cu e buki E Bijbel—e Palabra di Dios of e palabra di hende? Usando página 327-31 di e buki “Toda Escritura,” mustra e superioridad dje Traducción del Nuevo Mundo: E ta sostené i engrandecé e nomber divino (§1-2); su traduccion mehorá ta haci e texto mas comprendibel (§6); e ta un instrumento poderoso pa usa den e ministerio (§22-3). Describí i demostrá un presentacion breve, usando e ideanan na página 189 dje buki E Bijbel—e Palabra di Dios of e palabra di hende? Ki ora cu nos haña hende interesá, haci areglonan definitivo pa un rebishita.
Cantica 180 i oracion di conclusion.