Reunionnan Di Sirbishi Pa Januari
Siman di 6 di Januari
Cantica 6
10 min: Anuncionan local. Anuncionan selectá for di Nos Ministerio di Reino. Comentá riba e raport di sirbishi di september dje tres islanan i dje congregacion local.
20 min: Tempu pa Renobá e Karchi di Instruccion/Exoneracion Médico Delantá. Anciano cualificá ta considerá e importancia di yena e karchi completamente i di tin e huntu cu bo na tur momento. E documento aki ta papia pa bo si bo no por papia pa bo mes den un emergencia. (Compará cu Proverbionan 22:3.) Tin cu yena un karchi nobo tur aña pa duna un declaracion actualisá riba bo nengamentu di sanger, ya cu algun dokter i otronan a declará cu documentonan cu ta mas bieu cu un aña tal bes no ta reflehá un persona su conviccion actual. Despues di reunion, lo duna tur publicador bautisá e karchi di Instruccion/Exoneracion Médico Delantá, i esnan cu tin yunan menor di edad no-bautisá lo ricibí un Karchi di Identificacion pa cada yu. Splica cu no mester yena e karchi aki awenochi na reunion. Mester yen’é cuidadosamente na cas pero NO firm’é. Firmamentu dilanti testigo, huntu cu pone e fecha di tur karchi lo ser hací n’e siguiente Studio di Buki di Congregacion, bou di supervision dje conductor di studio di buki. Lo e controlá pa mira si tur ruman asigná na su grupo a ricibí un karchi i tin mester di yudansa. Esnan cu ta firma como testigo mester realmente mira e doño dje karchi firma e documento. Ken cu ta ausente n’e ocasion ei lo ser yudá dor di conductor/ancianonan n’e siguiente Reunion di Sirbishi te ora cu tur publicador bautisá tin nan karchi debidamente yená i firmá. (Repasá carta di 15 di october, 1991.) Adaptando e palabranan dje karchi aki na nan propio circunstancia i conviccionnan, publicadornan no-bautisá lo por skirbi nan propio instruccion pa usa pa nan mes i nan yunan. Eherciendo perspicacia ora di percurá p’e detayenan vital aki lo laga nos merecé bon for di Jehova.—Pro. 16:20.
15 min: “Cualificá i Ekipá pa Siña Otronan.” (§1-6) Comentá brevemente riba §1-2, enfatisando cu ta necesario pa nos tin confiansa cu, cu yudansa di Jehova, nos por siña otronan eficasmente. Laga dos par, consistiendo di publicador i doño di cas, demostrá e presentacionnan den §3-6, cu cada par mustrando con pa haci e bishita inicial i un rebishita. Recordá e publicadornan cu ora laga literatura, ta apropiado pa nos mencioná e contribucion p’e literatura.
Cantica 14 i oracion di conclusion.
Siman di 13 di Januari
Cantica 16
15 min: Anuncionan local. Informe di cuenta. Resaltá algun punto di combersacion for dje revistanan actual. Ofrecé sugerencianan en cuanto con pa introducí nos mes ora di acercá hende afin di testificá informalmente. Invitá auditorio pa relatá cua palabranan di introduccion nan a yega di usa ora di papia cu otro hende den tienda, riba caya, den parke, den transporte público, etcétera. Describí areglonan special di sirbishi p’e último diasabra di luna.
15 min: “Cualificá i Ekipá pa Siña Otronan.” (§7-9) Relatá e experencia en cuanto hacimentu di rebishita cu ta ser hañá na página 45, den Anuario para 1995, enfatisando e importancia di bolbe bek cerca tur persona cu a mustra interes, maske con tiki esei por tabata. Laga un publicador experenciá demostrá e presentacionnan den §7-8. Aunke inicialmente nos ta ofrecé otro publicacionnan, nos mester concentrá nos esfuersonan pa cu tempu conducí studio den e buki Conocimentu. Animá tur publicador pa programá un poco tempu durante e siman binidero pa haci rebishita.
15 min: Necesidadnan local. Of “Semper Tira Bo Carga Riba Jehova.” Un discurso stimulante basá riba E Toren di Vigilancia di 1 di april, 1996, página 27-9.
Cantica 15 i oracion di conclusion.
Siman di 20 di Januari
Cantica 21
10 min: Anuncionan local.
15 min: “Tur Clase di Hende Lo Ser Salbá.” Pregunta i contesta. Invitá auditorio pa relatá brevemente algun experencia cu ta mustra con nan a haña un reaccion faborabel for di hende cu ta bini di diferente antecedente social.
20 min: Testificando Mediante Bon Conducta. Un anciano ta tene un consideracion cu dos of tres hóben. Consideracion ta basá riba La Atalaya di 15 di augustus, 1987, página 10-20. Incluí experencianan publicá i tambe cualkier experencia local cu ta demostrá con observadornan a keda faborablemente impresioná cu e conducta recto di hóbennan cristian.
Cantica 23 i oracion di conclusion.
Siman di 27 di Januari
Cantica 20
5 min: Anuncionan local.
10 min: Secretario ta repasá e Caha di Pregunta.
15 min: “Nos Ta ‘Predicá e Palabra.’ ” Pregunta i contesta. Incluí algun comentario cu ta mustra pakico nos ta apreciá profundamente e balor dje Palabra di Dios.—Mira Awake! di 22 di mart, 1984, página 9-11.
15 min: Repasá Oferta di Literatura pa Februari. Señalá rasgonan interesante dje buki, manera: (1) Títulonan di capítulo cu ta yamativo, (2) plachinan colorido, (3) cuadronan di siñansa i tabèlnan, i (4) preguntanan imprimí cu ta stimulá pensamentu. Na armonia cu e parti anterior di reunion, animá e uso di un texto bon scogí den e presentacion. Laga un of dos presentacion breve ser demostrá, cu e publicador cordando pa mencioná e contribucion n’e doño di cas. Recordá tur publicador pa pasa busca bukinan pa usa e siman aki.
Cantica 26 i oracion di conclusion.