Reunionnan Di Sirbishi Pa Januari

Siman di 5 di Januari

Cantica 10

8 min: Anuncionan local. Anuncionan selectá for di Nos Ministerio di Reino.

17 min: “Haña Deleite den Duna un Testimonio Cabal.” Consideracion dje artículo cu auditorio. Resaltá puntonan esencial pa un presentacion eficas: (1) Un saludo amigabel, (2) comentá of plantia un pregunta tocante un tópico di interes actual, (3) referí na un texto bíblico apropiado i (4) dirigí interes n’e publicacion cu bo ta ofrecé. Laga un publicadó capacitá tene un demostracion basá riba e sugerencianan pa un promé bishita i pa e rebishita corespondiente.

20 min: Prepará Awor pa Sostené Dios Su Ley Tocante Sanger. Anciano cualificá ta considerá e importancia di yena e karchi di Instruccion/Exoneracion Médico Delantá completamente. E palabranan inspirá na Salmo 19:7 ta mustra cu Echonan 15:28, 29 ta un expresion di Dios su ley perfecto tocante sanger. Adoradónan leal ta haci esfuerso pa sostené e ley ei. E documento aki ta laga hende sa di bo determinacion pa haci esei i ta papia pa bo ora bo no por papia pa bo mes. (Compará cu Proverbionan 22:3.) Un karchi nobo ta percurá un declaracion actualisá di bo nengamentu di tuma sanger. Despues di e reunion aki, lo duna Testigonan bautisá cu ta deseá esei un karchi nobo, i esnan cu tin yunan menor di edad no-bautisá, lo ricibí un Karchi di Identificacion pa cada yu. No mester yena e karchinan aki awenochi na reunion. Mester yena nan cuidadosamente na cas pero NO firma nan. Firmamentu dilanti testigo, huntu cu pone e fecha di tur karchi lo ser hací n’e siguiente Studio di Buki di Congregacion, bou di supervision dje conductor di studio di buki. Esaki lo garantisá cu tur asigná na su grupo cu kier validá e instruccion médico aki ta ricibí e yudansa necesario. Esnan cu ta firma como testigo mester realmente mira e doño dje karchi firma e documento. Ken cu ta ausente n’e ocasion ei i cu kier yena i firma un karchi lo ser yudá dor di conductor/ancianonan n’e siguiente Reunion di Sirbishi te ora cu tur publicadó bautisá tin nan karchi debidamente yená i firmá. (Repasá carta di 15 di october, 1991.) Dor di adaptá e palabranan dje karchi aki na nan propio circunstancia i conviccionnan, publicadónan no-bautisá lo por skirbi nan propio instruccion pa usa pa nan mes i nan yunan.

Cantica 142 i oracion di conclusion.

Siman di 12 di Januari

Cantica 125

10 min: Anuncionan local. Informe di cuenta.

15 min: “Atendiendo e ‘No-na-Casnan.’ ” Consideracion cu auditorio.

20 min: “Jehova Ta Duna Poder Mas Ayá di Loke Ta Normal.” Pregunta i contesta. (Mira w90-S 15/7 19, §15-16.) Haci areglo pa algun ruman relatá experencianan animador cu ta mustra con Jehova a fortalecé nan.

Cantica 81 i oracion di conclusion.

Siman di 19 di Januari

Cantica 1

10 min: Anuncionan local.

15 min: Necesidadnan local.

20 min: Studio di Famia cu Ta Trece Goso. Un pareha casá ta considerá e necesidadnan spiritual di nan famia. Preocupá pa e influencianan mundano cu ta afectando nan yunan, nan ta sinti cu mester fortalecé e spiritualidad di nan yunan, pero ta reconocé cu nan studio di famia tabata sporádico i hopi bes ineficas. Huntu, nan ta repasá recomendacionnan en cuanto con pa conducí un studio di famia significativo cu a ser duná den e Toren di Vigilancia di 1 di augustus, 1997, página 26-9. Tur dos ta dicididu pa sigui e sugerencianan pa asina protehá e bienestar spiritual di nan yunan.

Cantica 146 i oracion di conclusion.

Siman di 26 di Januari

Cantica 187

12 min: Anuncionan local. Repasá oferta di literatura pa februari. Mencioná un of dos punto for dje buki Revelacion su culminacion, cu lo ta útil ora di ofrec’é.

15 min: “Mustra Respet pa Jehova Su Lugá di Adoracion.” Pregunta i contesta. Na encargo di un anciano, cu den un manera bondadoso mester haci aplicacion local.

18 min: Raportando Nos Participacion den e Trabou Mundial di Duna Testimonio. (Basá riba e buki Nos Ministerio, página 100-2, 106-10) Discurso i consideracion na encargo dje secretario. Despues di mustra e precedente bíblico pa raportá nos actividad regularmente, e ta invitá dos sirbidó ministerial pa repasá e subtema “Pakico Nos Ta Raportá Nos Sirbishi di Veld.” Anto e secretario ta enfatisá e importancia di entregá raport exacto i na tempu. E ta señalá motibunan pakico ta bon pa pone metanan personal, concluyendo cu comentarionan animador tocante e bendicionnan cu ta bin pa esnan cu tin un pleno participacion den e trabou di duna testimonio.

Cantica 189 i oracion di conclusion.