Programa di Reunion di Sirbishi

Siman di 11 di Mart

Kantika 2

13 min: Anunsio lokal. Anunsio selektá for di Nos Ministerio di Reino. Usa e sugerensianan na página 8 pa tene dos demostrashon kon pa presentá E Toren di Vigilansia di 15 di mart i e ¡Despertad! di 22 di mart. Den kada kaso, mustra un otro manera pa trata ku e opheshon: “Mi no ta interesá.”—Wak e foyeto chikitu Con pa Cuminsá i Continuá Consideracionnan Bíblico, página 8 (òf rs-S 16).

12 min: Mantené Nos Neutralidat Kristian. Diskurso na enkargo di un ansiano kapasitá. Nos ta mira mas i mas despliegue di patriotismo na skol, na trabou i den bario. Hopi hende ku ta promové esaki ta hasié komo nan manera pa superá ansiedat i tristesa pa motibu di tragedianan nashonal. Ounke nos tambe ta sinti un tristesa pa loke nos ta mira den mundu, nos ta komprendé e kuestion mas grandi di soberania universal i e mensahe di Reino ta konsolá nos. P’esei ora nos ta splika otro hende ku takto pakiko nos no ta partisipá den aktividatnan nashonalista, nos mester kompartí tambe ku nan e konsuelo i speransa ku nos a haña di e Palabra di Dios. E foyeto Testigonan di Jehova i Educacion, na página 20-4, bou di e suptema “E Saludo di Bandera,” ta splika e motibu pakiko nos no ta partisipá den seremonianan patriótiko. Trata e puntonan sobresaliente, i animá mayornan pa repasá e informashon aki kuidadosamente ku nan yunan. Relatá e eksperensianan ku tin na página 20 di e foyeto i na página 31 di e Spièrta! di 8 di yanüari 1996. Enfatisá ku ta nesesario pa nos duna deboshon eksklusivo na Yehova, i na mesun tempu respetá outoridat gubernamental.

20 min: “Sea ‘Riku den Bon Obra.’”a Na enkargo di e superintendente di sirbishi. Urgi tur publikadó pa partisipá plenamente den sirbishi komo preparashon pa e selebrashon di Memorial dia 28 di mart. Trata kon por hasi e mihó uso di e invitashonnan imprimí. Invitá publikadónan pa konta kon nan a logra ku nan famia, bisiña, studiantenan di Beibel i otro personanan interesá a asistí na Memorial aña pasá i ki goso esei a duna nan. Animá tur ruman ku por pa traha pionero ousiliar na aprel i buska un solisitut despues di reunion.

Kantika 82 i orashon di konklushon.

Siman di 18 di Mart

Kantika 7

10 min: Anunsio lokal. Informe di kuenta. Konsiderá e kuadro “Rekordatorionan di Memorial.” Animá tur presente pa sigui e lesamentu di Beibel pa Memorial programá di 23 pa 28 di mart, ku nan por haña den Examinando e Scritura Diariamente—2002.

15 min: “Felismente Uní Huntu ku Yehova i Su Yu.” Diskurso bíbliko motivador na enkargo di un ansiano. Animá tur presente pa hasi èkstra esfuerso entre awor i 28 di mart pa invitá mas tantu hende posibel pa asistí na Memorial huntu ku nos.

20 min: Kon e Anuario Ta Benefisiá Bo? Diskurso i konsiderashon ku ouditorio. Promé, resaltá e puntonan klave di “Un Karta for di Kuerpo Gobernante,” na página 6 di e suplemento di e Ministerio di Reino aki (página 3-5 di e Anuario). Despues, pidi e ouditorio relatá informe i eksperensianan for di e Anuario ku nan a haña masha animante i fortalesedor di fe. Animá tur hende pa lesa e Anuario kompleto i tambe us’é pa familiarisá studiantenan di Beibel ku Yehova su organisashon.

Kantika 45 i orashon di konklushon.

Siman di 25 di Mart

Kantika 12

14 min: Anunsio lokal. Splika ku no ta muchu lat pa entregá un solisitut pa traha pionero ousiliar na aprel. Usando e sugerensianan na página 8, laga un ansiano demostrá kon pa presentá E Toren di Vigilansia di 1 di aprel i laga un hóben mustra kon pa presentá e Spièrta! di 8 di aprel. Despues di kada demostrashon, resaltá algun bon aspekto di e presentashon.

15 min: “Trahando Nos Teritorio Ku Tin Vários Idioma.”b Ora ta konsiderá paragraf 3, mustra e ouditorio e formulario(nan) ku e paragraf ta papia di dje. Rekordá e publikadónan bondadosamente pa hasi un esfuerso durante aprel 2002—un luna ku hopi ruman ta traha pionero ousiliar—pa yuda kongregashonnan hulandes, ingles i spañó dor di usa e formularionan aki.

16 min: Usa Buki Rasonamentu pa Duna Animashon. Konsiderashon ku ouditorio. Tur hende tin mester di animashon amoroso de bes en kuando. P’esei, nos tur tin ku mira e nesesidat di “enkurashá” otro hende, inkluso hende angustiá ku nos ta topa den sirbishi. (1 Tes. 5:14) Usando e buki Rasonamentu (na spañó), invitá ouditorio pa menshoná ki animashon bíbliko nan lo por duna na un hende ku ta pasando dor di un dje difikultatnan deskribí na página 144-8 (na ingles, página 117-21). Sugerí kada un presente pa purba animá un hende ki ora ku esei ta nesesario.—Gal. 6:10.

Kantika 131 i orashon di konklushon.

Siman di 1 di Aprel

Kantika 27

7 min: Anunsio lokal. Kòrda publikadónan pa entregá nan rapòrt di sirbishi di fèlt di mart.

18 min: “‘Donnan den Hende’ Ta Pastoriá e Tou di Dios ku Hopi Afan.” Diskurso na enkargo di un ansiano. Konsiderá e tekstonan menshoná. Mustra ku e trabou di pastoriá esnan inaktivo i di yuda esnan enfermo pa hasi loke ta den nan alkanse, por i ta hiba na eksperensianan animante. Wardadónan amoroso ta mustra apresio pa e esfuerso sinsero ku tur ruman ta hasi pa keda aktivo den Yehova su sirbishi.

20 min: “Oumentá Bo Goso den e Trabou di Prediká.”c Ora di trata paragraf 5, pidi sugerensianan práktiko tokante kon e rumannan por ta mas efikas den e teritorio lokal. Demostrá un òf dos ehèmpel kon nos por tuma e inisiativa pa aserká un hende pa dun’é un testimonio kòrtiku. Animá tur hende pa krea oportunidatnan pa duna testimonio e siman aki.

Kantika 15 i orashon di konklushon.

[Footnotes]