Den Ki Kondishon E Ta?

Ta bon pa nos hasi nos mes e pregunta ei promé ku nos ofresé un literatura. E doño di kas lo haña un mal impreshon di nos organisashon si nos ofres’é literatura machiká, blikiá, sushi òf kibrá, i esaki por kita su atenshon for di e bunita mensahe salbadó di bida ku e literatura ta kontené.

Kiko por yuda tene nos literatura den bon kondishon? Algu ku hopi ruman a haña práktiko ta pa drecha nan tas di sirbishi di tal manera ku e mesun tipo di literatura ta keda huntu. Por ehèmpel, nan tin un lugá pa pone buki, un pa revista i foyeto, asta un lugá pa tratado, etcetera. Ora nan kaba di usa nan Beibel i kualke literatura, nan ta hinka esakinan nèchi bèk den tas, pa asina protehá e literatura. Tin otro publikadó ta hinka nan literatura den map òf tas di plèstik transparente. Sea kual sea e manera ku nos ta protehá nos literatura, nos no ke ofresé un hende literatura den mal kondishon pa asina dun’é motibu bálido pa kritiká nos sirbishi.—2 Kor. 6:3.