Testigunan di Yehova —Un Historia di Fe Bibu, Parti 2: Nan Ta Laga Nan Lus Bria

Despues ku Ruman Rutherford i su sosionan a sali for di prizòn na 1919, e Studiantenan di Beibel tabatin un trabou enorme nan dilanti. Manera e DVD Testigunan di Yehova—Un Historia di Fe Bibu, Parti 2: Nan Ta Laga Nan Lus Bria ta mustra, e Studiantenan di Beibel a haña nan ku hopi oposishon, nan komprondementu di e Skritura a sigui krese i nan fe a ser refiná. (Pro. 4:18; Mal. 3:1-3; Huan 15:20) Ora bo kaba di wak e DVD, purba kontestá e siguiente preguntanan.

(1) Ki métodonan e Studiantenan di Beibel a usa pa plama e bon notisia? (2) Kiko a pasa na e kongresonan históriko di 1931 i 1935? (3) Ki informashon importante E Toren di Vigilansia di 1 di novèmber 1939, na ingles, a trata? (4) Konta kiko a pasa na Madison Square Garden durante e diskurso “Gobièrnu i Pas” ku Ruman Rutherford a duna. (5) Kiko a hasi e diskurso “Pas—Por Dura?” ku Ruman Knorr a duna unu remarkabel? (6) Ki plannan Testigunan di Yehova a traha na 1942 pa ekspandé e trabou di prediká? (7) Menshoná algun di e kasonan legal ku a ser bringá na Merka, Canada i Gresia. (8) Kon e Skol di Galaad a kontribuí na e ekspanshon di e trabou di prediká? (9) Ki trabou importante a kuminsá na 1946 i dikon? (10) Ki pasonan Testigunan di Yehova a dal pa hasi sigur ku nan kondukta ta kuadra ku normanan bíbliko? (11) Menshoná algun di e ahustenan ku e organisashon a hasi den e dékada di 1970 pa pega mas na e patronchi ku tin den Beibel. (12) Kon e DVD akí a yuda bo komprondé mas mihó ku e organisashon akí ta di Yehova i ku e tin tur kos bou di kontrol? (13) Kon e DVD akí a fortalesé bo determinashon pa sigui prediká ku zelo apesar di opstákulo? (14) Kon nos por usa e DVD akí pa yuda nos famia, studiantenan di Beibel i otro personanan?

Kada dia ku pasa ta agregá un kapítulo nobo na e historia di Testigunan di Yehova. Kiko e registro akí lo bisa tokante nos esfuersonan den sirbishi? Meskos ku nos rumannan a hasi den pasado, laga nos sigui “laga e lus bria”!—2 Kor. 4:6.