Referensia pa Material i Tarea pa Reunion Nos Bida i Sirbishi Kristian

16-22 DI YANÜARI

Buska Hoyanan Spiritual

w08-S 15/5 26 §4

Hiba un Bida di ‘Santidat den Temor di Dios’

‘Lo Tin un Kaminda Grandi di Santidat’

Yehova a profetisá ku su pueblo ku tabata den ­eksilio na Babilonia lo regresá nan tera. E profesia di restorashon tabatin e siguiente garantia: “I lo tin un kaminda grandi ayanan, un karetera, i esaki lo wòrdu yamá e Kaminda Grandi di Santidat.” (Isa. 35:8a) E palabranan akí ta mustra ku Yehova no ­solamente a habri e kaminda pa e hudiunan bolbe na nan tera sino ku el a protehá nan tambe durante e biahe.

w08-S 15/5 27 §1

Hiba un Bida di ‘Santidat den Temor di Dios’

“Hende Impuru Lo No Pasa Riba Dje”

Na aña 537 P.K., e hudiunan ku a regresá mester a kumpli ku un rekisito importante. Isaías 35:8b ta bisa kiko tabata ferwagt di hende ku a kana riba e “Kaminda Grandi di Santidat”: “Hende impuru lo no pasa riba dje, ma e lo ta pa esun ku ta kana den e kaminda ei, i hende bobo lo no kana pariba pabou riba dje.” Komo ku e propósito pa kua e hudiunan a bolbe Herusalem tabata pa restablesé e adorashon puru, no tabatin lugá pa hende ku tabatin motibunan egoista, ku no tabata respetá kosnan sagrado òf tabata impuru den sentido spiritual. Esnan ku a bolbe tabatin ku biba segun e normanan moral haltu di Yehova. Si nos ke tin e aprobashon di Dios nos tambe tin ku kumpli ku e rekisito akí. Nos tin ku hiba un bida di ‘santidat den temor di Dios.’ (2 Kor. 7:⁠1) P’esei, ki práktikanan impuru nos mester evitá?