Referensia pa Material i Tarea pa Reunion Nos Bida i Sirbishi Kristian

6-12 DI FEBRÜARI

Buska Hoyanan Spiritual

it-1-S 715 §5-6

Divorsio

Divorsio den Sentido Figurativo. Beibel hopi biaha ta referí na matrimonio den sentido figurativo. (Isa 54:​1, 5, 6; 62:​1-6) Beibel sa referí tambe na divorsio, òf e akshon di manda un esposa bai fo’i kas, den sentido figurativo.​—⁠Yer 3:⁠8.

Na aña 607 promé ku Kristu, e reino di Huda a ser tumbá, i Herúsalèm a ser destruí, i e habitantenan di e tera a ser hibá den eksilio na Babilonia. Añanan promé ku esaki a sosodé, Yehova a dirigí e siguiente palabranan profétiko na e hudiunan ku pa e tempu ei lo tabata den eksilio: “Unda e karta di divorsio ta, ku kual mi a repudiá boso mama?” (Isa 50:⁠1) Nan “mama,” òf organisashon nashonal, a keda repudiá, òf rechasá, ku bon motibu. No pasobra Yehova a kibra su pakto kuné i a kuminsá ku un proseso di divorsio, sino pa motibu ku el a peka kontra e pakto di Lei. Pero tabatin un restu di israelita ku a arepentí i a pidi Yehova pa renobá su relashon komo esposo ku nan i pa nan por a bai nan tera bèk. Yehova, pa kousa di su nòmber, a laga su pueblo regresá nan tera na aña 537 promé ku Kristu, na final di e 70 añanan di desolashon, manera el a primintí.​—⁠Sl 137:​1-9; wak MATRIMONIO.