Bo Por Haña Speransa den 2024​—Kiko Beibel Ta Bisa?

Hopi hende no ta mira ku lo tin un salida pa tur e problemanan ku hende lo haña nan kuné den 2024. Pero no ta asina pasó tin speransa. Na unda nos por hañ’é?

Beibel ta duna speransa

Beibel ta primintí ku Dios lo kita tur loke ku ta laga nos sinti nos bashí i kibrá. Pronto, Dios lo “seka tur lágrima for di [nos] wowo, i lo no tin morto mas; ni tristesa ni sklamashon ni doló lo no tin mas.”—Revelashon 21:4.

• Pa haña sa ki bon kosnan Beibel ta primintí pa futuro, lesa e artíkulo “Berdadero Speransa pa un Mihó Futuro.”

Beibel por yuda bo for di awor

E speransa ku Beibel ta duna bo ta yuda bo lucha kontra negativismo i yuda bo pa ta mas positivo. (Romanonan 15:13) Tambe Beibel tin konseho ku lo yuda bo dil ku problemanan ku kisas bo ta pasando aden aworakí, manera pobresa, inhustisia i malesa.

• Haña sa kon e speransa ku Beibel ta duna a yuda un hòmber haña pas i felisidat apesar ku el a bin di un famia pober. Wak e vidio Juan Pablo Zermeño: Yehova A Duna Mi un Bida Ku Tin Propósito.

• Bo ta sinti bo malu debí na un eror? Òf kisas bo ta sinti bo tristu, anshá òf un ser kerí di bo a fayesé? Lesa e artíkulo “¿Puedo encontrar consuelo en la Biblia?”

• Mira kon danki na Beibel, un señora ku ántes tabata un militar i ku a deskribí su mes komo un persona “duru i friu” a haña speransa. Wak e vidio Cambié las armas por la Biblia.

Bo ke sa kon 2024 por ta un bon aña pa abo i bo famia? Un kurso di Beibel por yuda bo ku esei. Pues sinti bo liber pa purba nos kurso di Beibel grátis. Lo bo haña sa kon for di awor Dios por duna bo pas, “speransa i un bon futuro.”​—Yeremías 29:11.