For Di Nos Lectornan

Hóbennan sin Mayor Mi ta profundamente gradicidu pa e artículo “Hóbennan Sa Puntra . . . Di Con Mi Mester Biba sin Mi Mayornan?” (8 di december 1998) Awor aki mi tin 39 aña. Pero tempu mi tabatin 11 aña, mi mama a muri i mi tata a bai laga nos so. Te cu awor, nunca mi no por a haña hende cu por a comprendé e mal bida cu ami cu mi rumannan tabatin. Pero awor sí mi ta sinti cu otro hende ta comprendé nos. Danki.

K. Y., Hapon

Mi tata a muri tempu mi tabata nuebe luna bieu so, i mi mama a muri promé cu mi a haci 12 aña. Boso artículo tabata hopi consolador i a mustra con huérfanonan ta sinti en berdad. Esta dushi ta pa sa cu Jehova lo trece nos sernan kerí bek na bida!

M. S. S., Brazil

Ami tin 40 aña, i mi a lesa e artículo mas cu un biaha. Siendo cu mi a bira huérfano tempu mi tabatin 2 aña, mi a les’é cu awa na wowo, for di cuminsamentu te na fin. Te cu awor, mi no tabata por a mira e potret di Mama cu Tata sin yora. Danki pa skirbi artículonan asina!

J. C. V., Francia

Jesus Su Aparencia Masha, masha danki pa e seri di artículo “Jesus—Con Su Aparencia Tabata di Berdad? Kico E Ta Awor?” (8 di december 1998) Hopi bes misa, cuadro i película ta duna un representacion incorecto di Jesus su aparencia. Mi a gusta foral e parti tocante e rol cu Jesus ta hunga awor i cu lo e bai hunga den futuro. E no ta djis un baby chikitu mas den pesebre.

M. W., Austria

Nunca mi no a disfrutá asina tantu di un artículo manera esaki! Mi ta convencí cu e seri aki lo yuda hopi hende confia den Testigonan di Jehova i nos revistanan.

B. D., Yugoslavia

Mi a keda encantá di lesa cu Jesus no tabata un homber frágil i cu e no a cana rond henter ora cu cara melancólico, manera arte popular ta pint’é. Mas bien, e tabata un persona baronil i fuerte cu a imitá su Tata, e “Dios felis.”—1 Timoteo 1:11.

R. O. R., Brazil