BIBLIOTEKA ONLINE Watchtower
Watchtower
BIBLIOTEKA ONLINE
Papiamentu (Kòrsou)
  • BEIBEL
  • PUBLIKASHON
  • REUNION
  • gl pág. 8-9
  • For di Egipto pa e Tera Primintí

No tin vidio disponibel pa esaki.

Despensa, tin un problema pa habri e vidio.

  • For di Egipto pa e Tera Primintí
  • “Mira e Tera Bunita”
  • Informashon Similar
  • E Nashonnan Rònt di Israel
    “Mira e Tera Bunita”
  • Influensia di Gresia i Roma Riba e Hudiunan
    “Mira e Tera Bunita”
  • Kristianismo Ta Plama Bai Otro Kaminda
    “Mira e Tera Bunita”
  • E Mundu di e Patriarkanan
    “Mira e Tera Bunita”
Mas Artíkulo
“Mira e Tera Bunita”
gl pág. 8-9

For di Egipto pa e Tera Primintí

HOPI hende a yega di tende di e Eksodo òf liberashon for di Egipto. Pero kiko a para di Moisés i e pueblo di Dios despues ku nan a krusa Laman Kòrá? Ki direkshon nan a kohe, i kon nan a yega Riu Hordan pa drenta e Tera Primintí?

Nan meta tabata e tera di Kánaan, pero Moisés no a kohe e ruta mas kòrtiku—mas o ménos 400 kilometer riba santu kant’i kosta—ku lo a pasa stret dor di e teritorio enemigu di Filistea. Tampoko e no a pasa meimei di e península grandísimo di Sinaí, kaminda a reina un kalor intenso riba e meseta (plateau) di piedra di kalki. Nò, Moisés a guia e pueblo pa zùit, bahando a lo largu di e sabana smal kant’i kosta. Promé kaminda ku nan a kamper tabata na Mara, unda Yehova a kombertí awa brak den awa dushi.a Despues ku nan a bandoná Elim, e pueblo a murmurá ku no tabatin kuminda; Dios a manda sloke (òf patrushi) i despues mana pa nan. Na Refidim, entre otro, a bolbe surgi un kuestion tokante awa, e amalekitanan ku tabata ataká a ser derotá, i e suegro di Moisés a papia fuertemente kuné p’e buska yudansa di hòmbernan kapas.—Eks. kapítulo 15-18.

Despues Moisés a hiba Israel den direkshon di e serunan mas parti zùit, i a kamper na Seru Sinaí. Ei e pueblo di Dios a risibí e Lei, nan a konstruí e tabernakel i a ofresé sakrifisio. Den e di dos aña, nan a bai nort i krusa un “desierto grandi i teribel” rumbo p’e área di Kades (Kades-barnea). Aparentemente e biahe ei a tuma 11 dia. (Deu. 1:1, 2, 19; 8:15) Dor ku un informe negativo di dies spion a pone e pueblo haña miedu, nan tabatin ku dual pa 38 aña. (Num. 13:1–14:34) Nan a stòp entre otro na Abrona i Ezion-geber, i despues nan a bai Kades bèk.—Num. 33:33-36.

Ora ku finalmente a yega e tempu pa Israel drenta e Tera Primintí, e israelitanan no a bai direktamente pa nort. Nan ruta a hiba nan rònt di e kurason di Edòm i direkshon nort riba “e kaminda grandi di rei.” (Num. 21:22; Deu. 2:1-8) No tabata fásil pa henter un nashon—ku mucha, animal i tènt—pasa riba e kaminda aki. Nan tabatin ku baha den forma zigzag den vayenan smal i steil pa despues subi bèk for di nan. Eseinan tabata e vayenan di Zered i esun di Arnon (kasi 520 meter hundu).—Deu. 2:13, 14, 24.

Finalmente, e israelitanan a alkansá Seru Nebo. Miriam a muri na Kades i Aaron na Seru Hor. Moisés mes a muri den serkania di e tera ku e tabatin gana di drenta. (Deu. 32:48-52; 34:1-5) Josué a haña e responsabilidat pa hiba Israel den e tera, poniendo asina fin na un biahe ku a kuminsá 40 aña mas promé.—Jos. 1:1-4.

[Nota]

a E sitionan eksakto di mayoria di e kampamentunan no ta konosí.

[Kuadro na página 8]

BUKINAN DI BEIBEL SKIRBÍ DURANTE E PERIODO AKI:

Génesis

Eksodo

Levítiko

Numbernan

Deuteronomio

Jòb

Salmonan (parti di dje)

[Mapa na página 9]

(Pa e teksto den su formato kompleto, wak e publikashon)

Éksodo for di Egipto

E Ruta Ku Israel A Kohe

A7 EGIPTO

A5 Ramesés?

B5 Sukot?

C5 Etam?

C5 Pi-hahirot

D6 Mara

D6 Elim

E6 DESIERTO DI SIN

E7 Dofka

F8 Refidim

F8 Seru Sinaí (Horèb)

F8 DESIERTO DI SINAÍ

F7 Kibrot- hataava

G7 Hazerot

G6 Rimon-peres

G5 Risa

G3 Kades

G3 Bene-jaakan

G5 Hor-gidgad

H5 Jotbata

H5 Abrona

H6 Ezion-geber

G3 Kades

G3 DESIERTO DI ZIN

H3 Seru Hor

H3 Zalmona

I3 Punon

I3 Ije-abarim

I2 MOAB

I1 Dibon

I1 Almon-diblataim

H1 Jeriko

[Otro lugánan]

A3 GOSEN

A4 On

A5 Menfis (Nof)

B3 Zoan

B3 Tafnes

C5 Migdol

D3 SHUR

D5 DESIERTO DI ETAM

F5 DESIERTO DI PARAN

G1 FILISTEA

G1 Asdod

G2 Gaza

G2 Beerseba

G3 Asmon

G3 NEGÈV

H1 Yerusalèm

H1 Hebròn (Kiriat-arba)

H2 Arad (Kananeo)

H4 SEIR

H4 EDÒM

I7 MADIAN

Kamindanan Prinsipal

Kaminda pa e Tera di e Filisteonan

Kaminda pa Shur

Kaminda Grandi di Rei

Ruta di Karavana

Ruta di El Haj

[Seru]

F8 Seru Sinaí (Horèb)

H3 Seru Hor

I1 Seru Nebo

[Laman]

E2 Laman Mediteráneo (Laman Grandi)

D7/G7 Laman Kòrá

I1 Laman Salu

[Riu i roi]

A6 Riu Neil

F3 Vaye di Egipto

I2 Arnon

I3 Zered

[Plachi na página 8]

Karavananan tabata krusa e Península di Sinaí

[Plachi na página 8]

Israel a kamper dilanti Seru Sinaí

[Plachi na página 9]

Por a haña awa for di e fuentenan na Kades òf banda di dje

[Plachi na página 9]

Henter Israel mester a krusa e vaye di Arnon

    Publikashonnan na Papiamentu (Curaçao) (1986-2025)
    Log Out
    Log In
    • Papiamentu (Kòrsou)
    • Kompartí
    • Preferensia
    • Copyright © 2025 Watch Tower Bible and Tract Society of Pennsylvania
    • Kondishonnan di Uso
    • Maneho di Privasidat
    • Konfigurashon di Privasidat
    • JW.ORG
    • Log In
    Kompartí