E Nashonnan Rònt di Israel

YEHOVA a bisa Abraham: ‘Sali for di Ur di Mesopotamia bai na e tera ku lo mi mustra bo.’ Den e tera ei i tambe rònt di dje tabatin otro nashonnan ta biba.—Gén. 12:1-3; 15:17-21.

Ora e pueblo di Dios a sali for di Egipto, nan tabata sa ku nan lo por a haña resistensia di nan enemigunan, manera e “poderosonan di Moab.” (Eks. 15:14, 15, Beibel na papiamentu koriente) E amalekitanan, moabitanan, amonitanan i amoreonan tabata biba riba e ruta ku Israel mester a rekoré pa yega e Tera Primintí. (Num. 21:11-13; Deu. 2:17-33; 23:3, 4) I den e tera ku Dios a primintí e israelitanan, nan lo a haña nan ku otro nashonnan enemigu.

Dios a bisa ku Israel mester a “kore” ku shete ‘nashon poderoso’—e heteonan, gergeseonan, amoreonan, kananeonan, ferezeonan, heveonan i jebuseonan. Nan tur a meresé destrukshon pasobra nan tabata moralmente degradá i korumpí den sentido religioso. Nan diosnan tabata entre otro Baal (notorio pa e pilarnan di piedra ku forma di órgano seksual maskulino), Molok (na ken nan a ofresé sakrifisio di mucha), i e diosa di fertilidat Astarot (Astarte).—Deu. 7:1-4; 12:31; Eks. 23:23; Lev. 18:21-25; 20:2-5; Hues. 2:11-14; Sal. 106:37, 38.

Tin biaha henter e área ku Dios kier a duna Israel tabata ser yamá “Kánaan,” for di nort di Sidon te na “e riu [òf vaye] di Egipto.” (Num. 13:2, 21; 34:2-12; Gén. 10:19) Na otro okashon Beibel ta menshoná e nòmbernan di vários nashon, stat-estado òf pueblo den e tera ei. Algun tabata okupá sitionan notabel, manera e filisteonan na kosta di Laman Mediteráneo i e jebuseonan den e serunan banda di Yerusalèm. (Num. 13:29; Jos. 13:3) Tabatin otronan ku atraves di tempu a kambia di sitio òf teritorio.—Gén. 34:1, 2; 49:30; Jos. 1:4; 11:3; Hues. 1:16, 23-26.

Na e tempu di e Eksodo, probablemente ta e amoreonan tabata e tribu dominante.a (Deu. 1:19-21; Jos. 24:15) Nan a kapturá e tera moabita den direkshon zùit di e vaye di Arnon, ounke e área na otro banda di Jeriko tabata yama ainda “e sabananan di Moab.” Reinan amoreo tambe a goberná Basan i Galaad.—Num. 21:21-23, 33-35; 22:1; 33:46-51.

Maske e israelitanan tabatin e respaldo di Dios, nan no a eliminá tur e nashonnan kondená ei. Ku tempu esakinan a bira un trampa pa Israel. (Num. 33:55; Jos. 23:13; Hues. 2:3; 3:5, 6; 2 Rei. 21:11) Sí, e israelitanan a bira víktima apesar di e spièrtamentu: “No bai tras di otro dios, ningun di e diosnan di e pueblonan ku ta rònt di boso.”—Deu. 6:14; 13:7.

[Nota]

[Mapa na página 11]

(Pa e teksto den su formato kompleto, wak e publikashon)

Nashonnan Ku Mester A Disparsé for di e Tera Primintí

FILISTEA (D8)

C8 Askalon

C9 Gaza

D8 Asdod

D8 Gat

D9 Gerar

KÁNAAN (D8)

B10 AMALEKITANAN

C12 Hazar-adar (Adar?)

C12 Kades (Kades-barnea)

D8 Lakis

D9 Beerseba

D10 AMOREONAN

D11 NEGÈV

E4 Dor

E5 Meguido

E5 Taanak

E6 Afek

E6 HEVEONAN

E7 JEBUSEONAN

E8 Bèt-semes

E8 Hebròn (Kiriat-arba)

E9 HETEONAN

E9 Debir

E10 Arad (Kananeo)

E10 KENEONAN

E11 Akrabim

F4 GERGESEONAN

F6 Sikem

F7 FEREZEONAN

F7 Gilgal

F7 Jeriko

F8 Yerusalèm

G2 HEVEONAN

G2 Dan (Lais)

G3 Hazor

FENISIA (F2)

E2 Tiro

F1 Sidon

EDÒM (F12)

F11 SEIR

G11 Bosra

AMOREONAN (SEHON) (G8)

G6 GALAAD

G7 Sitim

G7 Hesbon

G9 Aroer

SIRIA (H1)

G1 Baal-gad

G2 HEVEONAN

I1 Damasko

MOAB (H10)

AMOREONAN (OG) (I5)

G6 GALAAD

H3 BASAN

H4 Astarot

H4 Edrei

AMON (I7)

H7 Raba

[Desierto]

H12 DESIERTO ÁRABE

[Seru]

E4 Seru Karmelo

E11 Seru Hor

G1 Seru Hermon

G8 Seru Nebo

[Laman]

C6 Laman Mediteráneo (Laman Grandi)

F9 Laman Salu

G4 Laman di Galilea

[Riu i roi]

B11 Vaye di Egipto

F6 Riu Hordan

G6 Vaye di Jabòk

G9 Vaye di Arnon

G11 Vaye di Zered

[Plachi na página 10]

Na banda drechi: Rei amoreo Og a goberná Basan, konosí pa su toronan i karnénan

Abou: Moab, ku bista riba e desierto di Huda n’e otro banda di Laman Salu

Yehova a manda Israel kore ku e nashonnan ku tabata adorá dios falsu, manera Baal, Molok i e diosa di fertilidat Astarot (wak e plachi)