Hesus “na Tera di e Hudiunan”
ORA apòstel Pedro a duna testimonio na Cornelio, el a menshoná loke Hesus a hasi tantu “na tera di e hudiunan komo na Yerusalèm.” (Echo. 10:39) Segun bo, kua ta e áreanan ku Hesus a bishitá durante su sirbishi históriko?
E “tera di e hudiunan” a inkluí Hudea, kaminda Hesus a efektuá algun di e obranan di Dios. (Luk. 4:44) Despues ku Hesus a batisá, el a pasa 40 dia den e desierto di Huda (òf, Hudea), un region seku i bandoná ku rebelde- i bandidunan tabata frekuentá. (Luk. 10:30) Mas despues, Hesus tabata bayendo direkshon nort for di Hudea ora el a duna testimonio na un muhé samaritano banda di Sikar.—Juan 4:3-7.
Ora nos lesa e Evangelionan nos ta mira ku Hesus a konsentrá su predikashon den Galilea. Ounke el a bai Yerusalèm, direkshon zùit, pa e fiestanan anual, el a pasa mayoria di e promé dos añanan di su ministerio den e parti nort di e Tera Primintí. (Juan 7:2-10; 10:22, 23) Por ehèmpel, el a ekspresá hopi siñansa notabel i a efektuá milagernan impreshonante tempu ku e tabata banda òf riba Laman di Galilea. Kòrda kon el a kalma un tormenta riba laman i a asta kana riba dje. El a prediká for di boto na e multitutnan pará na e oriyanan yen di piedra. Su promé siguidónan mas yegá tabata di e komunidatnan di piskadó i di kunukero djei banda.—Mar. 3:7-12; 4:35-41; Luk. 5:1-11; Juan 6:16-21; 21:1-19.
E base di Hesus su ministerio den Galilea tabata e oriya di Kapernaum, “su mes stat.” (Mat. 9:1) E tabata na un barika di seru no muchu leu ora el a duna su famoso Sermon Riba Seru. Na algun okashon, el a drenta boto bai for di e área di Kapernaum pa Magdala, Bètsaida òf otro lugá ei banda.
Ripará ku Hesus “su mes stat” no tabata muchu leu for di Nazarèt, kaminda el a lanta; no muchu leu for di Kana, kaminda el a kombertí awa den biña; no muchu leu for di Nain, kaminda el a resusitá yu hòmber di un biuda; i no muchu leu for di Bètsaida, kaminda el a hasi milager i alimentá 5.000 hòmber i kura bista di un hòmber siegu.
Despues di e Pasku hudiu di aña 32 di nos era, Hesus a bai nort direkshon di Tiro i Sidon, hafnan di Fenisia. Djei el a ekstendé su ministerio na algun di e dies statnan griego di e asina yamá Dekápolis. Hesus tabata banda di Cesarea di Filipo (F2) ora Pedro a rekonos’é komo e Mesias, i e transfigurashon a sigui pronto despues, tal bes riba Seru Hermon. Mas despues, Hesus a prediká den e region di Perea, na otro banda di Hordan.—Mar. 7:24-37; 8:27–9:2; 10:1; Luk. 13:22, 33.
Hesus a pasa su último siman riba tera huntu ku su disipelnan den Yerusalèm i rònt di dje, “e stat di e gran Rei.” (Mat. 5:35) Ei banda bo por haña e lugánan ku bo a lesa di dje den e Evangelionan, manera Emaus, Betania, Bètfage i Bètlehèm.—Luk. 2:4; 19:29; 24:13; mira “Área di Yerusalèm,” plachi mas chikitu riba página 18.
[Mapa na página 29]
(Pa e teksto den su formato kompleto, wak e publikashon)
Tera Primintí (den tempu di Hesus)
E Tera den Tempu di Hesus
Statnan di e Dekápolis
E5 Hipo(s)
E6 Pela
E6 Skitiapolis
F5 Gadara
F7 Gerasa
G5 Dion
G9 Filadelfia
H1 Damasko
H4 Rafana
I5 Canata
Kamindanan Prinsipal (Wak e publikashon)
Ruta Komun Entre Galilea i Yerusalèm (Wak e publikashon)
Otro Ruta Entre Galilea i Yerusalèm, dor di Perea (Wak e publikashon)
A11 Gaza
B6 Cesarea
B8 Jope
B9 Lida
B12 Beerseba
C4 Tolemaida
C8 SAMARIA
C8 Antipatris
C8 Arimatea
C9 Emaus
C10 HUDEA
C11 Hebròn
C12 IDUMEA
D1 Sidon
D2 Tiro
D3 FENISIA
D4 GALILEA
D4 Kana
D5 Séforis
D5 Nazarèt
D5 Nain
D7 Samaria
D7 Sikar
D9 Efrain
D9 Bètfage
D9 Yerusalèm
D9 Betania
D10 Bètlehèm
D10 Herodión
D10 DESIERTO DI HUDEA
D12 Masada
E4 Korazin
E4 Bètsaida
E4 Kapernaum
E4 Magdala
E5 Tiberias
E5 Hipo(s)
E6 Betania? (otro banda di Hordan)
E6 Skitiapolis
E6 Pela
E6 Salim
E6 Enon
E9 Jeriko
F1 ABILINIA
F2 Cesarea di Filipo
F4 Gamala
F5 Abila?
F5 Gadara
F7 PEREA
F7 Gerasa
G3 ITURAEA
G5 Dion
G6 DEKÁPOLIS
G9 Filadelfia
H1 Damasko
H3 TRAKONITE
H4 Rafana
H12 ARABIA
I5 Canata
[Seru]
D7 Seru Ebal
D7 Seru Gerizim
F2 Seru Hermon
[Laman]
B6 Laman Mediteráneo (Laman Grandi)
E4 Laman di Galilea
E10 Laman Salu (Laman Morto)
[Riu]
E7 Riu Hordan
[Fuente di awa i pos]
D7 Pos di Jakòb
[Plachi na página 28]
Laman di Galilea. Kapernaum ta dilanti na man robes. E bista ta zùitwèst na otro banda di e Sabana di Genesaret
[Plachi na página 28]
E samaritanonan a adorá riba Seru Gerizim. Seru Ebal ta den fondo