Caha Di Pregunta

◼ Con mester mencioná Testigonan di Jehova den e buki di telefon local?

Nos a ripará cu tin gran variedad den e manera cu mencion di Testigonan di Jehova ta aparecé den bukinan di telefon na tur parti. Algun ta basta confuso, i otronan no ta duna suficiente informacion. Si e congregacion tin un telefon den e Salon di Reino, ta importante pa tin un mencion informativo den e buki di telefon, haciendo asina posibel pa esnan interesá i pa nos rumannan haña contacto cu e congregacion local.

Lo siguiente ta e mencion cu ta ser recomendá: Testigonan di Jehova of Jehovah’s Getuigen (si ta congregacion hulandes) of Jehovah’s Witnesses (si ta congregacion ingles) siguí p’e adres dje Salon di Reino i number di telefon.

Riba nos islanan tal bes ta consehabel pa haci lo siguiente relacioná cu mencion den buki di telefon: Testigonan di Jehova (of nomber na hulandes of ingles segun idioma dje congregacion) siguí p’e nomber dje congregacion, adres i e number di telefon dje Salon di Reino of dje superintendente presidente of dje secretario.

Localmente mester determiná si ta duna un number di telefon alternativo. Si bo ta compartí un Salon di Reino cu un otro congregacion situá den un bario diferente cu no ta ser incluí den e buki di telefon local, e nomber dje bario ei tambe mester ser mencioná huntu cu adres dje Salon di Reino i number di telefon.