Kico Bo Ta Bisa un Aparato di Contestá Yamada?

Telefon ta un medio eficas pa duna testimonio na hende cu nos no por haña na cas of cu ta biba den teritorionan inaccesibel. Sin embargo, mas i mas hende no ta contestá telefon, ta un aparato ta contestá pa nan. Ora esaki sosodé, kico bo por haci? No cera e telefon. Mas bien, soru pa bo tin un contesta skirbí bon prepará cu bo por lesa na telefon. Practicá pa haci esei den un tono agradabel i di combersacion. Kico bo por bisa?

Lo bo por extendé un caluroso invitacion na e doño di cas pa asistí na e siguiente Reunion Público na Salon di Reino. Kisas bo por bisa: “Ta duel mi cu mi no a haña bo na cas. Si bo ta deseá di tende un consideracion bíblico di [e tema dje discurso público], por fabor, bini na e Salon di Reino di Testigonan di Jehova. E ta habrí pa público. Nunca no ta pasa colect.” Caba mencioná claramente e dia i ora dje reunion, i duna e adres of describí unda e Salon di Reino ta keda.

Keda pendiente pa nota hende nobo cu kisas ta asistí na e reunionnan, introducí bo mes na nan, i laga nan sinti nan bon biní. No lubidá di ofrecé nan un studio di Bijbel grátis na cas!