Nos Próhimo Tin cu Tende e Bon Nobo
1 Ta Dios su boluntad “pa tur clase di hende ser salbá i yega na un conocimentu exacto dje berdad.” (1 Tim. 2:4) “Tur clase di hende” lo a encerá tur hende cu ta nos próhimo. Pa yega na nan cu e bon nobo nos mester ta flexibel den nos presentacionnan i purba di saca afó kico cada persona cu nos topa lo por ta interesá aden. (1 Cor. 9:19-23) Jehova su organisacion a percurá hermentnan cu por yuda nos yega n’e curason di esnan cu ta “corectamente dispuesto pa bida eterno.” (Echo. 13:48) Laga nos mira con nos por usa un variedad di foyeto durante juli cu augustus pa satisfacé e necesidad spiritual di nos próhimo.
2 Foyetonan den Oferta: Den e siguiente paragrafnan lo bo haña sugerencianan cu lo por ta útil ora di presentá cierto foyeto. Cada sugerencia tin (1) un pregunta cu ta stimulá pensamentu pa cuminsá un combersacion, (2) un referencia na un parti den e foyeto unda bo por haña puntonan di combersacion i (3) un texto bíblico apropiado cu bo por lesa durante e consideracion. Bo por yena e sobrá dje presentacion cu bo mes palabra, segun e reaccion dje persona. Pa mayoria foyeto, ta mencioná un edicion anterior di Nos Ministerio di Reino, unda lo bo haña un presentacion mas detayá con pa ofrecé e foyeto.
Dios Realmente Ta Interesá den Nos?
Ki speransa bo ta kere tin pa yuda hende cu a sufri di abusu?—Página 27-8, §23-7; Isa. 65:17, 18; km-PA 7/97 pág. 4.
¿Qué propósito tiene la vida? ¿Cómo descubrirlo?
Con bini asina tantu hende awe ta parce insatisfecho cu nan bida?—Página 29-30, §2, §25-6; Sal. 145:16; km-PA 7/96 pág. 4.
Disfruta di bida riba tera pa semper!
Bo a yega di puntra bo mes kico Jesucristo ta haciendo awor?—Plachi 41-2; Rev. 11:15; km-PA 8/96 pág. 8.
E gobierno cu lo restorá paradijs.
Lo bo kier sa tocante e Reino cu Jesus a siña nos pidi p’e den oracion?—Página 3; Mat. 6:9, 10; km-PA 8/96 pág. 8.
Ora un Persona Stimá Muri.
Bo a yega di puntra bo mes con bo por consolá un hende cu a perde un stimá den morto?—Página 26, §2-5; Juan 5:28, 29; km-PA 7/97 pág. 4.
Bo Mester Kere den Trinidad?
Ta importante pa nos futuro pa comprendé e berdadero naturalesa di Dios?—Página 3, §3, §7-8; Juan 17:3.
3 Otro Foyetonan: E suplemento di Nos Ministerio di Reino di februari 1998 tin un lista di otro publicacionnan, entre nan foyeto, cu ta diseñá specialmente pa usa ora di predicá na budista, hindú, hudiu i moslim. Ki ora cu ta apropiado, por ofrecé e foyetonan aki n’e hendenan cu nos topa. Bo por repasá e sugerencianan na página 4-6 dje suplemento ei i tambe página 13-16 dje foyeto Con pa Cuminsá i Continuá Consideracionnan Bíblico (rs-S pág. 21-4) i desaroyá un presentacion breve cu por lanta interes dje hendenan aki.
4 A prepará un otro foyeto pa yuda hende cu kisas ta bon educá pero sa masha tiki di Bijbel. E ta diseñá pa motivá nan pa bai examiná e Palabra di Dios. Caminda ta apropiado, bo por scoge pa ofrecé lo siguiente:
Un Buki pa Tur Hende.
Bo ta di acuerdo cu ricibí un educacion bon balansá ta encerá adkerí algun conocimentu di loke Bijbel ta contené?—Página 3, §1-3 i página 30, §2; Ecl. 12:9, 10.
5 Foyeto pa Studia Bijbel: Nos meta den e ministerio mester ta semper pa cuminsá un studio di Bijbel, sea n’e bishita inicial of despues ora haci e rebishita. Pa logra esei, nos tin e siguiente foyeto cu ta fácil pa usa pa cuminsá i conducí studio di Bijbel:
Kico Dios Ta Rekerí di Nos?
Bo tabata sa cu tumando 30 minuut of ménos un bes pa siman, pa 16 siman, bo por adkerí un comprendimentu básico di Bijbel?—Les 2, §6; 2 Tim. 3:16, 17; km-PA 3/97 pág. 4.
6 Den e ilustracion dje bon próhimo samaritano, Jesus a mustra claramente cu e berdadero próhimo ta esun cu ta ehercé amor i bondad pa yuda un otro hende den afliccion. (Luc. 10:27-37) Nos próhimo ta den afliccion spiritual. Nan tin cu tende e bon nobo. Laga nos carga e responsabilidad di compartié cu nan, i asina duna prueba cu nos ta berdadero disipel di Jesucristo.—Mat. 24:14; Gal. 5:14.