Usa e Foyetonan pa Yega na Mente i Curason
1 Nos mester presentá e berdad bíblico di tal manera cu e ta capta e interes i a la bes ta alcansá e curason. Ora Jesus a splica e berdad na su oyentenan, el a scoge tópiconan cu tabata interesá nan i cu a motivá nan. (Luc. 24:17, 27, 32, 45) E éxito di nos ministerio ta dependé masha hopi dje esfuerso cu nos ta haci pa haña sa cua ta e necesidad spiritual di nos oyentenan.
2 E foyetonan por ta bon herment pa yega n’e mente i curason dje hendenan cu nos ta topa den e ministerio. Pensa di antemano ken lo por reaccioná faborablemente n’e mensahe den cada foyeto cu ta e oferta durante augustus:
—Dios Realmente Ta Interesá den Nos? Hende cu ta sufri económicamente of cu a pasa dor di un tragedia, lo apreciá e mensahe consolador aki di un futuro sin sufrimentu.
—¿Qué propósito tiene la vida? ¿Cómo descubrirlo? Hóbennan cu ta pensando seriamente riba nan futuro, lo beneficiá dje contestanan basá riba Bijbel cu nan ta haña den e foyeto aki.
—Disfruta di bida riba tera pa semper! E hopi plachi i textonan mencioná lo yuda mucha chikitu i hende cu no por lesa muchu bon comprendé Dios su propósitonan.
—E gobierno cu lo restorá paradijs. Ken cu tin di haber cu gobiernu lo por reaccioná faborablemente n’e mensahe aki tocante con e Reino di Dios lo solucioná e problemanan difícil di humanidad.
—Ora un Persona Stimá Muri. Hopi agente funerario ta apreciá di tin ehemplar dje foyeto aki disponibel pa duna famianan cu a perde un ser kerí. Publicadónan cu ta predicá na santana ta usa e foyeto aki pa consolá hende na luto. Dos ruman muher a acercá un famia di shete hende cu tabata resando na un graf. Dor di compartí e mensahe consolador for dje foyeto, nan a cuminsá un studio di Bijbel cu e mama su siguiente dia!
—Bo Mester Kere den Trinidad? Un persona hopi religioso lo por reaccioná faborablemente n’e berdad cu tin den e foyeto bon documentá aki cu ta exponé e siñansa fundamental di cristiandad.
3 Familiarisá bo mes cu cada foyeto, i determiná cua ta e mihó manera pa us’é den bo teritorio. Pa sugerencianan con pa presentá nan, wak e último página di Nos Ministerio di Reino di juli 1998. Jehova bendicioná bo esfuersonan pa yega na tantu e mente como e curason di hende.—Mar. 6:34.