Haci Sigur di Bai Bek!
1 “Esta un dushi combersacion! Mi tin cu corda rebishitá e persona aki.” Bo a yega di bisa e palabranan ei i despues a lubidá unda e persona ta biba? Si ta asina, bo sa cu e único manera pa bo haci sigur cu bo ta bai bek ta dor di pon’é riba papel.
2 Skirbi Tur Cos: Miéntras e combersacion cu un persona interesá ta frescu ainda den bo mente, tuma un momento pa skirbi tur e informacion relevante dje bishita. Skirbi e persona su nomber i con lo bo reconoc’é. Tambe su adres, pero no rei ta kico e ta, chek wak si loke bo ta skirbi ta e adres corecto. Anotá e tópico cu boso a papia di dje, e textonan cu bo a lesa i ki literatura bo a laga.
3 Si bo a laga e persona cu un pregunta pa bo contestá n’e siguiente bishita, skirbi e pregunta. Bo a haña sa algu tocante e persona, su famia of su religion? Si ta asina, haci un nota di esaki. Anto e siguiente biaha cu bo bishit’é, dor di mencioná esei lo bo demostrá bo interes personal den dje. Por último, nota tambe e dia i ora cu bo a haci e promé bishita i ki dia bo a bisa cu lo bo pasa bek. Dor di nota e cosnan ei bon, lo bo tin recordatorionan cla i lo ta ménos probabel cu bo ta lubidá bo promesa di bolbe bek.—1 Tim. 1:12.
4 Una bes bo registro ta completo, pon’é huntu cu bo sobrá ekipo pa sirbishi—tas, Bijbel, buki Razonamentu i literatura—di manera cu lo e ta semper na man. Ta mihó pa haci nota di e no-na-casnan riba registronan di cas pa cas cu ta apart for di esnan cu bo ta nota bo rebishitanan. Claro cu sin importá cuantu esfuerso bo ta haci pa nota bo rebishitanan, e cos importante ta pa haci sigur di bai bek!
5 Pensa Riba e Persona: Ora bo ta prepará pa e ministerio, repasá bo notanan di rebishita. Pensa riba cada persona i cua ta e mihó manera pa abord’é ora bo haci e siguiente bishita. Pensa con pa desaroyá e persona su interes den un studio di Bijbel na cas. Tal planeamentu por aumentá bo productividad como minister dje bon nobo i, dje manera ei, bo goso personal.—Pro. 21:5a.
6 Pues, e siguiente biaha cu bo topa un hende cu scucha bo bon, no pensa cu ta fácil pa bo corda e bishita. Mas bien, pon’é riba papel, repasá bo notanan, keda pensa riba e persona, anto haci sigur di bai bek!