Usa Sucesonan Actual pa Lanta Interes
1 Lo bo tin gana di tin un suministro continuo di bon idea cu lo tene bo ministerio frescu i cu lo lanta hende su interes den e mensahe di Bijbel? Wel usa loke ta sosodé den mundu i den bo comunidad pa cuminsá combersacion. Lo bo por usa sucesonan local i nacional di actualidad of noticianan internacional. E sucesonan aki ta cambia constant. (1 Cor. 7:31) Considerá e siguiente ehempelnan.
2 Hende ta ègt preocupá tocante problemanan económico i costo di bida. Pues, lo bo por bisa:
◼ “Bo a tende na noticia cu prijs di [mencioná e artículo] lo subi atrobe?” Of kisas bo por comentá tocante desempleo si un compania grandi a manda hopi hende cas. Dependiendo con lo bo kier sigui cu e consideracion, bo por puntra sea: “Bo a yega di puntra bo mes di con ta asina difícil pa gana bo pan di cada dia?” of: “Bo ta kere cu semper lo sigui ta asina difícil pa gana bo pan di cada dia?”
3 Informenan di violencia, manera tragedia den famia of entre alumnonan di scol, ta percurá un base pa un otro combersacion. Lo bo por puntra:
◼ “Bo a lesa den korant cu [mencioná e tragedia den comunidad]?” Anto sea puntra: “Kico bo ta kere ta e causa di asina tantu violencia na mundu?” of: “Bo ta pensa cu lo yega un dia cu nos por sinti nos safe?”
4 Noticianan tocante inundacionnan destructivo, temblor of disturbio civil den diferente parti di mundu tambe ta asuntunan cu ta lanta interes. Por ehempel, bo por puntra:
◼ “Ta Dios ta responsabel pa [mencioná e desaster natural]?” Of lo bo por señalá n’e mas reciente disturbio civil i bisa: “Si tur hende kier pas, di con ta asina difícil pa logr’é?”
5 Keda alerto pa sucesonan actual cu bo por usa den bo introduccion. Bo ta haña sugerencianan útil bou dje subtema “Actualidad,” na página 2, dje foyeto Con pa Cuminsá i Continuá Consideracionnan Bíblico [página 9-10 di buki Razonamentu na spañó]. Sin embargo, evitá di tuma banda den cuestionnan político of social. Mas bien, dirigí atencion na e Scritura i n’e Reino di Dios como e único solucion permanente p’e problemanan di humanidad.