Kico Ta e Meta?
1 Di con nos ta conducí studio di Bijbel cu hende? Djis pa compartí conocimentu, mehorá bida di hende of pa duna nan un punto di bista mas positivo di futuro? No. Nos meta principal ta pa haci disipel di Jesucristo! (Mat. 28:19; Echo. 14:21) Ta p’esei e personanan cu nos ta studia cuné tin cu asociá cu e congregacion. Nan progreso spiritual ta directamente conectá cu nan aprecio pa e organisacion cristian.
2 Con pa Alcansá e Meta: For di promé instante, urgi e studiante continuamente pa asistí na reunionnan di congregacion. (Heb. 10:24, 25) Splik’é con e reunionnan aki lo fortalecé su fe, yud’é haci Dios su boluntad i percurá asociacion sano huntu cu otro hendenan cu tambe ta deseá di alabá Jehova. (Sal. 27:13; 32:8; 35:18) Bo propio expresionnan di amor i aprecio pa e congregacion i pa e reunionnan lo stimulá su deseo pa asistí.
3 Hende recien interesá tin cu comprendé cu Jehova su organisacion ta un hermandad mundial. Mustra nan e videonan Testigonan di Jehova—E Organisacion Tras dje Nomber i Henter Nos Asociacion di Ruman. Yuda nan comprendé cu Jehova ta usando miyones di persona dedicá rond mundu pa cumpli cu su boluntad. Laga e personanan nobo aki sa cu nan tambe tin e invitacion pa sirbi Dios.—Isa. 2:2, 3.
4 Mira un studiante di Bijbel bira un berdadero disipel di Jesus ta causa un goso inmenso. Esei ta nos meta!—3 Juan 4.