Kiko Nos Por Bisa dje Revistanan

E Toren di Vigilansia 15 di Apr.

“Na unda ku hende ta biba, nan ta interesá den siguridat. Por ehèmpel, nan kier haña un bon trabou i keda kuné. Pero bo tabata sa ku tin un fuente di siguridat permanente, unu ku ta pèrmití bo disfrutá di siguridat pa semper? [Lesa Salmo 16:8 i 9.] E edishon aki di E Toren di Vigilansia ta analisá unda nos por haña berdadero siguridat.”

¡Despertad! 22 di Apr.

“Awendia hopi hende ta bandoná e religionnan tradishonal pa nan bai adorá Dios na nan manera. Kiko abo ta pensa di esaki? [Pèrmití e persona kontestá.] Beibel ta mustra ku pa Dios, e manera ku nos ta ador’é ta hopi importante. [Lesa Huan 4:24.] E edishon aki di Spièrta! ta mustra bo e mihó manera pa satisfasé bo nesesidat spiritual.”

E Toren di Vigilansia 1 di Mei

“Bo konosé un persona ku ta hopi malu òf ku ta sufri di un desabilidat? Sin duda bo ta di akuerdo ku mi ku e personanan ei mester di ánimo. Pero kiko nos por bisa pa animá nan? Beibel ta ofresé palabranan di speransa. [Lesa Isaías 35:5 i 6.] E edishon aki di E Toren di Vigilansia ta splika dikon nos por tin sigur ku e profesia aki lo kumpli.”

Spièrta! 8 di Mei

“Den e aña ku a pasa, mundu tabata mas leu ku nunka di logra pas. Bo ta kere ku gobièrnunan humano tin e poder pa trese pas mundial? [Despues ku e persona kontestá, lesa Isaías 2:4.] E edishon aki di Spièrta! ta mustra dikon nos por tin sigur ku pronto pas mundial lo bira un realidat.”