Kiko Nos Por Bisa di e Revistanan

E Toren di Vigilansia 1 di Mart

“Mayoria hende ta di akuerdo ku nos mester stima otro manera Hesus a manda den e teksto di Beibel aki. [Lesa Juan 13:34 i 35.] Pero, unda nos por haña hende ku ta apliká e siñansanan di Hesus den nan bida? [Permití e persona kontestá.] E revista aki ta splika kon nos por identifiká kristiannan berdadero awe.”

¡Despertad! Mart

“Pa nos por sinti nos bon i felis, amor ta masha importante. Sin embargo, hopi hende tin problema pa haña berdadero amor. Kiko ta e motibu segun bo? [Permití e persona kontestá.] Un faktor importante pa haña berdadero amor ta siña mustra amor inegoista na otro hende. E revista aki ta splika kiko esaki ta enserá.” Lesa 1 Korintionan 13:4-7.

E Toren di Vigilansia 15 di Mart

“Mayoria di nos tabatin e eksperensia tristu ku un ser kerí di nos a muri. Bo yega di tende di e promesa aki ku ta un gran konsuelo? [Lesa Echonan 24:15. Kaba permití e persona kontestá.] Pero kisas bo ta puntra: Ken lo haña resurekshon? Ki dia esaki lo sosodé? Unda lo e tuma lugá? E revista aki ta duna e kontestanan bíbliko pa e preguntanan ei.”

¡Despertad! Mart

“Hopi hende ta kere ku Hesus ta Dios. Ta interesante pa mira ku Hesus su disipel, Pedro, a identifik’é komo e Yu di Dios. [Lesa Mateo 16:16.] Bo ta kere ku Hesus por ta tur dos, esta, Dios i tambe Yu di Dios? [Permití e persona kontestá.] E artíkulo aki na página 12-13 ta analisá e pregunta aki i ta duna e punto di bista bíbliko.”