Kiko Nos Por Bisa di e Revistanan

E Toren di Vigilansia 1 di Mart

“Nos tin gana di sa bo opinion riba e teksto bíbliko interesante aki. [Lesa Mateo 5:10.] Kon un hende por ta bendishoná òf felis si e ta ser persiguí? [Permití e persona kontestá.] E promé dos artíkulonan den e revista aki ta papia di algun hende ku a mantené nan felisidat apesar di nan sufrimentu. Lo ta interesante pa lesa i haña sa kon nan a logra esei.”

Spièrta! 8 di Mart

“Bo no ta di akuerdo ku apesar di e problemanan di bida tòg nos tin motibu pa ta gradesidu? [Permití e persona kontestá.] Un motibu pa ta gradesidu ta e manera ku nos ta trahá. [Lesa Salmo 139:14.] E edishon aki di Spièrta! ta mustra por ehèmpel ku nos mester ta masha gradesidu ku nos tin e sentidonan nesesario pa komprondé i balorá bida.”

E Toren di Vigilansia 15 di Mart

“Bo ta kere ku Hesus su siñansanan ta práktiko pa nos tempu? [Permití e persona kontestá.] Sin duda lo bo ta di akuerdo ku e mandato aki ku Hesus a duna riba e último dia di su bida. [Lesa Huan 15:12.] Riba e mesun dia ei Hesus a siña hende otro lèsnan balioso. E edishon aki di E Toren di Vigilansia ta mustra kon nos por benefisiá di nan.”

¡Despertad! 22 di Mart

“Bo a ripará ku hopi hende awendia tin difikultat pa drumi sufisiente? [Permití e persona kontestá.] Ansha i prekupashon por kontribuí na esaki. [Lesa Eklesiástes 5:12.] E revista aki ta trata algun di e kousanan di insomnio, i ta duna sugerensia práktiko tokante kon nos por mehorá nos drumimentu.”