Kiko Nos Por Bisa di e Revistanan

E Toren di Vigilansia 1 di Mart

“Hopi hende ta pensa ku tur religion ta hiba na Dios. Bo ta kere ku ta importá kua religion un persona ta skohe? [Permití e persona kontestá.] Wak kiko Beibel ta rekomendá nos aki. [Lesa 1 Juan 4:1.] E revista aki ta splika kon nos por tèst siñansanan pa wak si nan ta bin di Dios. E ta splika tambe kon diferente religion a kuminsá.”

¡Despertad! Mart

“Segun bo opinion, kua ta algun dje retonan ku hóbennan ta konfrontá awe? [Permití e persona kontestá.] E versíkulo aki ta resaltá un di nan, esta, e reto pa haña e klase korekto di amigu. [Lesa Proverbionan 13:20.] E revista aki ta konsiderá e peligernan di buska amigu via Internet i kon hóbennan por haña protekshon.”

E Toren di Vigilansia 15 di Mart

“Hopi bes hende ta papia di e binida di Hesukristu. Kiko abo ta pensa? Esaki ta algu ku nos mester anhelá òf nos mester tin miedu di dje? [Permití e persona kontestá.] Wak kiko tabata e sintimentunan di Juan, un eskritor di Beibel. [Lesa Revelashon 22:20.] E revista aki ta splika kiko e binida di Kristu lo logra.”

¡Despertad! Mart

“Hopi lider di mundu tin e tendensia di ta masha orguyoso. Bo ta kere ku e aktitut aki ta kontribuí na pas i armonia riba mundu? [Permití e persona kontestá.] Wak kiko Beibel ta bisa aki tokante orguyo. [Lesa Proverbionan 16:18.] E artíkulo aki ta splika e benefisionan di ser humilde.” Hala atenshon na e artíkulo ku ta kuminsá na página 20.