Kerido Publikadónan di Reino,

“Dios a duna kresementu.” (1 Kor. 3:6) Ta masha emoshonante pa mira e kresementu ku ta tumando lugá na Aruba, Boneiru i Kòrsou. Durante e aña di sirbishi 2003, e tres islanan aki tabatin komo promedio mas ku 2.410 studio di Beibel pa luna. Esaki ta hopi bon.

Yehova ta bendishonando e aktividat di prediká den e kampo di idioma stranhero. Awor nos tin tambe kongregashonnan di abla spañó i hulandes riba dos di e tres islanan. Tambe nos rumannan ta hasi esfuerso pa yuda hende di abla franses i chines komprondé e mensahe di Reino. Laga nos hasi nos bèst pa prediká na e míles di personanan stranhero ku ta biba riba nos tres islanan.

Dia 1 di yüli 2003, un kongregashon nobo na papiamentu a kuminsá na Aruba. Awor tin 10 kongregashon riba e isla ei. Nos ta kontentu ku durante e último aña di sirbishi, Aruba pa promé biaha a pasa e kantidat di 700 publikadó.

Un notisia interesante ta ku e rumannan ta ekspandiendo e imprenta na Watchtower Farms (Wallkill, New York). Esaki ta pa por kumpli ku e demanda di literatura pa e kresiente kampo mundial. E echo ku ta ekspandé e superfisie ku un hèktar i mei ta indiká ku tin bon progreso ta tumando lugá. E área aki ta ekivalente na 30 Salòn di Reino di tamaño promedio! Dos mashin di drùk supermoderno ta programá pa yega na prinsipio di 2004. Kada mashin lo por produsí te ku 25 revista pa sekònde. Tambe lo instalá ekipo nobo pa enkuaderná buki i manda karga durante 2004. Esaki lo resultá den mayor produkshon hasiendo uso di ménos personal.

Segun ku nos ta kuminsá ku e aña di sirbishi 2004, nos tambe huntu ku boso ta pidi Yehova pa sigui “duna kresementu.”

Boso rumannan,

Sukursal di Kòrsou