Karta di Sukursal

Kerido Publikadónan di Reino:

Nos ke ekspresá nos gratitut pa e apoyo amoroso ku boso a duna e míles di rumannan afektá pa e orkannan ku a asotá e Golfo di Mexico na 2005.—Juan 13:35.

Un ruman ku mester a bandoná su kas pa motibu di orkan Katrina a bisa: “E úniko kosnan ku nos a yega kuné tabata e pañanan na nos kurpa. E rumannan a yuda nos ku loke nos tabatin mester. Nan a laga nos sinti nos na kas. Nan tabata ke pa nos a keda.”

Den e teritorio ku ta kai bou di e sukursal di Merka, mas ku 8.000 ruman hòmber i muhé ku ta traha bou di direkshon di 60 diferente Komité Regional di Konstrukshon a ofresé nan tempu, ekspertisio i rekursonan den e trabounan di duna yudansa. Nan a yuda drecha òf rekonstruí 86 Salòn di Reino i 4.178 kas. Ainda nan tin ku traha riba 5 Salòn di Reino i 722 kas mas. Algun ruman a kore bini for di lugánan leu manera e estadonan di Maine i Washington pa duna un man. E rumannan afektá a keda hopi gradisidu pa tal muestra di amor!—1 Tes. 5:18.

E yudansa ku nos ta risibiendo pa e proyektonan di konstrukshon i renobashon di Salòn di Reino den nos teritorio tambe ta digno di mérito. Aktualmente nan ta konstruyendo un Salòn di Reino nobo na Tera Kòrá, kaminda nos rumannan tin hopi aña ta warda kaba pa reuní den nan mes Salòn di Reino. E trabounan ta kanando bon. Aruba lo haña un Salòn di Reino nobo na Bubali i plannan ta hopi avansá kaba pa kuminsá trah’é. Miéntras tantu, mayoria Salòn di Reino riba tur tres isla ta risibiendo yudansa en konekshon ku sierto trabounan di renobashon.

Por fabor, sigui pidi Yehova su bendishon riba e progreso kontinuo di e obra riba nos islanan i tambe pa nos rumannan stimá na Merka ku a ser afektá pa Katrina.—2 Kor. 1:11.

Boso rumannan,

Sukursal di Kòrsou