Ofresé e Buki Siña for di e Gran Maestro

◼ “Bo ta kere ku mundu lo tabata un mihó lugá pa biba si hende a biba na armonia ku e dicho aki? [Lesa Mateo 7:12a. Kaba permití e persona kontestá.] E buki aki ta kontené hopi lès ku e maestro di mas grandi ku a yega di biba riba tera a siña hende.” Resaltá e plachinan den kapítulo 17 i nan komentarionan.

◼ “Awendia mayoria mayor ta purba inkulká norma- i balornan sano den nan yunan. Abo ta haña ku esei ta importante? [Permití e persona kontestá. Anto lesa Proverbionan 22:6.] Tuma nota ku mayornan ta ser animá pa kuminsá eduká nan yunan for di chikitu. E buki aki a ser prepará pa yuda nan hasi esei.” Resaltá e plachinan den kapítulo 15 i 18 òf 32 i nan komentarionan.

◼ “Hopi bes mayornan ta keda asombrá di e preguntanan ku nan yunan ta hasi. Tin di e preguntanan ei por ta difísil pa kontestá, no ta bèrdat? [Permití e persona kontesta. Kaba lesa 2 Timoteo 3:14 i 15.] Timoteo su mama i su wela a siñ’é for di infansia kiko e Skritura ta bisa. E buki aki por yuda mayornan pa nan tambe siña nan yunan awe.” Resaltá un par di e plachinan i nan komentario den kapítulo 11 i 12 òf esnan di kapítulo 34 i 36.