(1) Pregunta, (2) Teksto di Beibel i (3) Kapítulo
Un manera simpel pa presentá e buki Kiko Beibel Ta Siña Realmente? ta dor di (1) hasi un pregunta di punto di bista, (2) lesa un teksto di Beibel apropiá i (3) hala atenshon na un kapítulo den e buki ku ta trata e tópiko ei dor di lesa e preguntanan di introdukshon bou di e título di e kapítulo. Si e doño di kas mustra interes, lo bo por usa e promé paragrafnan di e kapítulo ei pa duna un demostrashon di un estudio di Beibel. Por usa e método aki pa kuminsá un estudio na e promé bishita òf ora di hasi rebishita.
◼ “Bo ta kere ku ta posibel pa nos komo simpel hende siña konosé nos Kreadó todopoderoso, manera Beibel ta bisa akinan?” Lesa Echonan 17:26 i 27, i permití e persona kontestá. Kaba hala su atenshon na kapítulo 1.
◼ “Ku tur e problemanan ku nos ta konfrontá awe, bo ta kere ku hende por haña e konsuelo i speransa ku Beibel ta deskribí aki?” Lesa Romanonan 15:4, i permití e persona kontestá. Kaba hala su atenshon na kapítulo 2.
◼ “Si bo tabatin poder, lo bo a trese e kambionan aki?” Lesa Revelashon 21:4, i permití e persona kontestá. Kaba hala su atenshon na kapítulo 3.
◼ “Bo ta kere ku lo yega un dia ku nos yunan lo por disfrutá di e kondishonnan ku e kantika di antigwedat aki ta deskribí?” Lesa Salmo 37:10 i 11, i permití e persona kontestá. Kaba hala su atenshon na kapítulo 3.
◼ “Bo ta kere ku lo bin un dia ku e palabranan aki lo kumpli?” Lesa Isaias 33:24, i permití e persona kontestá. Kaba hala su atenshon na kapítulo 3.
◼ “Bo a yega di puntra bo mes si e mortonan sa kiko hende bibu ta hasi?” Permití e persona kontestá. Kaba lesa Eklesiastés 9:5, i hala su atenshon na kapítulo 6.
◼ “Bo ta kere ku un dia lo ta posibel pa nos bolbe mira nos sernan kerí ku a muri, manera Hesus a deklará den e versíkulonan aki?” Lesa Juan 5:28 i 29, i permití e persona kontestá. Kaba hala su atenshon na kapítulo 7.
◼ “Segun bo, kon e boluntat di Dios por sosodé na tera meskos ku den shelu, manera e orashon famoso aki ta bisa?” Lesa Mateo 6:9 i 10, i permití e persona kontestá. Kaba hala su atenshon na kapítulo 8.
◼ “Bo ta kere ku nos ta bibando den e tempu ku e profesia aki ta deskribí?” Lesa 2 Timoteo 3:1-4, i permití e persona kontestá. Kaba hala su atenshon na kapítulo 9.
◼ “Hopi hende ta puntra nan mes dikon e problemanan di humanidat ta parse di bira pió. Bo a yega di pensa ku esaki por ta un motibu?” Lesa Revelashon 12:9, i permití e persona kontestá. Kaba hala su atenshon na kapítulo 10.
◼ “Bo a yega di buska e kontesta pa un pregunta manera esun aki?” Lesa Jòb 21:7, i permití e persona kontestá. Kaba hala su atenshon na kapítulo 11.
◼ “Bo ta kere ku si hende apliká e konseho aki di Beibel, lo e yuda nan disfrutá di un bida di famia felis?” Lesa Efesionan 5:33, i permití e persona kontestá. Kaba hala su atenshon na kapítulo 14.
Bo por raportá un estudio di Beibel ora ku bo a kondusié dos biaha despues di a demostrá e areglo di estudio i si tin indikashon ku e estudio lo sigui.