Kon pa Ofresé e Buki Beibel Ta Siña

E suplemento aki tin vários sugerensia pa ofresé e buki Beibel Ta Siña. Pa bo por ta mas efikas, usa nan den bo mes palabranan, adaptá bo presentashon na hende den bo teritorio i familiarisá bo mes ku algun punto spesífiko di e buki ku bo por papia riba dje. Bo por usa tambe otro presentashonnan ku ta práktiko pa bo teritorio.—Wak Nos Ministerio di Reino di yanüari 2005, página 8.

Armagedón

◼ “Ora hende tende e palabra ‘Armagedón,’ hopi di nan ta pensa riba destrukshon masal. Lo bo keda sorprendí si bo haña sa ku Armagedón ta mas bien algu ku nos tin ku anhelá? [Permití e persona kontestá. Kaba lesa Revelashon 16:14 i 16.] Wak un deskripshon aki di kon bida lo ta despues di Armagedón.” Bai na página 82-4, i lesa paragraf 21.

Beibel

◼ “Hopi bes hende ta referí na Beibel komo e Palabra di Dios. Bo a yega di puntra bo mes kon un buki ku hende a skirbi por ser yamá korektamente e Palabra di Dios? [Permití e persona kontestá. Kaba lesa 2 Pedro 1:21, i página 19-20, paragraf 5.] E buki aki ta duna kontesta bíbliko pa e preguntanan aki.” Mustra e persona e preguntanan na página 6.

◼ “Awe hende tin akseso na mas informashon ku nunka promé. Pero unda bo ta kere nos por haña konseho sano ku por yuda nos hiba un bida felis i eksitoso? [Permití e persona kontestá. Kaba lesa 2 Timoteo 3:16 i 17, i paragraf 12, página 23.] E buki aki ta splika kon nos por biba na un manera ku ta agradá Dios i benefisiá nos.” Mustra e kuadro i plachi na página 122-3.

Bibienda

◼ “Den hopi pais a bira mas difísil pa hende haña un lugá di biba desente ku nan por afòrt. Bo ta kere ku lo bin un dia ku lo tin bibienda adekuá pa tur hende? [Permití e persona kontestá. Kaba lesa Isaias 65:21 i 22, i paragraf 20 na página 34.] E buki aki ta splika kon e promesa aki di Dios lo kumpli.”

Bida Eterno

◼ “Mayoria hende ta deseá di tin bon salú i un bida largu. Pero si esei ta posibel, abo lo kier biba pa semper? [Permití e persona kontestá. Kaba lesa Revelashon 21:3 i 4, i paragraf 17 na página 54.] E buki aki ta splika kon nos por gana bida eterno i kon bida lo ta ora e promesa ei bira realidat.”

Famia

◼ “Nos tur ke tin un bida di famia felis, no ta bèrdat? [Permití e persona kontestá.] Beibel ta papia di algu ku tur miembro di famia por hasi pa kontribuí na felisidat di nan famia. Esaki ta: imitá Dios den mustra amor.” Lesa Efesionan 5:1 i 2, i paragraf 4 na página 135.

Guera/Pas

◼ “Tur kaminda hende ta anhelá pas. Bo ta kere ku e speransa pa pas riba tera ta djis un soño? [Permití e persona kontestá. Kaba lesa Salmo 46:8 i 9.] E buki aki ta konsiderá kon Dios lo kumpli ku su propósito i trese pas riba henter e tera.” Mustra e persona e plachi na página 35, i konsiderá paragraf 17-21 na página 34.

Hesukristu

◼ “Hende rònt mundu a yega di tende di Hesukristu. Algun ta bisa ku e tabata meramente un hòmber sobresaliente. Otronan ta ador’é komo Dios Todopoderoso. Bo ta kere ku ta importá kiko nos ta kere tokante Hesukristu?” Permití e persona kontestá. Kaba lesa Juan 17:3, i paragraf 3 na página 37-8. Dirigí atenshon di e persona na e preguntanan di introdukshon bou dje título di e kapítulo.

Morto/Resurekshon

◼ “Hopi hende ta puntra nan mes kiko realmente ta pasa ora un persona muri. Bo ta kere ku nos por haña sa esei? [Permití e persona kontestá. Kaba lesa Eklesiastés 9:5, i paragraf 5 i 6 na página 58-9.] E buki aki ta splika tambe kiko e promesa bíbliko di un resurekshon lo nifiká pa esnan ku a muri.” Mustra e plachi na página 75.

◼ “Ora un persona ku nos stima muri ta masha normal ku nos ke mira e persona ei atrobe, no ta bèrdat? [Permití e persona kontestá.] Hopi hende a haña konsuelo den e promesa bíbliko di un resurekshon. [Lesa Juan 5:28 i 29, i paragraf 16-17 na página 71-2.] E kapítulo aki ta kontestá e preguntanan aki tambe.” Mustra e preguntanan di introdukshon na página 66.

Orashon

◼ “Bo a yega di puntra bo mes kon Dios ta kontestá orashon? [Permití e persona kontestá. Kaba lesa 1 Juan 5:14 i 15, i paragraf 16-18 na página 170-2.] E kapítulo aki ta splika tambe dikon nos tin ku hasi orashon na Dios i kiko nos tin ku hasi p’e tende nos.”

Religion

◼ “Hopi hende ta kuminsá mira religionnan di mundu komo e kousa di problemanan di humanidat i no komo un solushon. Bo ta haña ku religion ta guiando den e bon kaminda? [Permití e persona kontestá. Kaba lesa Mateo 7:13, i paragraf 5 i 14 na página 145-6.] E kapítulo aki ta analisá seis karakterístika ku ta identifiká e adorashon ku Dios ta aprobá.” Mustra e persona e lista na página 147.

Tragedia/Sufrimentu

◼ “Ora un tragedia sosodé, hopi hende ta duda si Dios ta realmente interesá den hende i si e ta tuma nota di nan sufrimentu. Abo a yega di puntra bo mes esei? [Permití e persona kontestá. Kaba lesa 1 Pedro 5:7, i paragraf 11 na página 11.] E buki aki ta splika kon Dios lo kaba kompletamente ku sufrimentu humano.” Mustra e persona e preguntanan di introdukshon na página 106.

Yehova Dios

◼ “Hopi hende ku ta kere den Dios lo tin gana di sinti nan mas serka di dje. Bo tabata sa ku Beibel ta invitá nos pa hala serka Dios? [Permití e persona kontestá. Kaba lesa Santiago 4:8a, i paragraf 20 na página 16.] A prepará e buki aki pa yuda hende siña mas tokante Dios, usando nan propio Beibel.” Mustra e persona e preguntanan di introdukshon na página 8.

◼ “Hopi hende ta hasi orashon pa e nòmber di Dios ser santifiká. Bo a yega di puntra bo mes ta kua nòmber esei ta? [Permití e persona kontestá. Kaba lesa Salmo 83:18 den paragraf 1, i paragraf 2-3 na página 195.] E buki aki ta splika kiko Beibel ta siña realmente tokante Yehova Dios i su propósito pa humanidat.”

[Box on page 5]

Maneranan pa Menshoná e Areglo di Donashon

“Si bo ke hasi un donashon chikitu awe pa nos obra mundial, lo mi asept’é ku muchu gustu.”

“Ounke nos no ta kobra pa nos literatura, nos ta aseptá donashonnan chikitu pa nos obra mundial.”

“Kisas bo ta puntra bo mes, kon e trabou aki ta ser sostené. Nos trabou ta ser sostené dor di donashonnan boluntario. Si bo ke hasi un donashon chikitu awe, lo mi asept’é gustosamente.”