Kaha di Pregunta

◼ Kon publikadónan mester optené nan kopia personal di E Toren di Vigilansia i Spièrta!?

Komo ku poko tempu pasá a stòp ku e areglo di abonamènt pa tur idioma, tantu di edishonnan imprimí komo di oudiokasèt, tur publikadó mester optené nan revista, oudiokasèt i CD formato MP3, via e kongregashon lokal. Úniko eksepshon ta revistanan na Braille i oudiokasèt ku ta ser di pòst grátis pa esnan ku ta kualifiká pa esei. Por fabor tuma nota ku kongregashonnan por usa e formulario Pedido di Kongregashon (M-202-PA) pa hasi pedido pa revistanan riba oudiokasèt òf riba CD formato MP3. Por hasi pedido pa edishonnan di otro idioma i di lèter grandi tambe usando e formulario aki.

Si un persona den bo teritorio ke haña e revistanan riba un base regular, hasi sigur di perkurá pa esei umbes ya asina e no ta pèrdè ningun edishon. Personanan ekspulsá por optené e revistanan i otro literatura pa nan uso personal na bali di revista i literatura na Salòn di Reino. No mag inkluí personanan ekspulsá den bo ruta personal di revista.

E úniko abonamèntnan ku e sukursal di Merka lo mantené den fail ta pa hende ku no por haña revista via e ruta di revista di un publikadó di kongregashon. Si e Komité di Sirbishi di Kongregashon entregá un pedido di abonamènt pa un persona ku di otro manera lo no por haña e revistanan, e sekretario mester inkluí un nota kòrtiku ku ta konfirmá ku e Komité di Sirbishi di Kongregashon a analisá i aprobá e abonamènt aki.

Esaki ta nifiká ku publikadónan no mester skirbi e ofisina di sukursal pa pidi abonamènt personal. Kualke petishon asina ku publikadónan òf personanan interesá hasi, lo ser mandá bèk pa e kongregashon.

◼ Kon un prezu por optené kopianan personal di e revistanan?

Si e kongregashon ku ta atendé e predikashon na un prizon por suministrá revista na prezunan enkarselá einan, anto un prezu mester optené su kopianan personal di E Toren di Vigilansia i Spièrta! via e publikadónan ku ta bishitá e prizon. Ora ku esaki no ta posibel, e prezu personalmente por skirbi sukursal i hasi un petishon pa haña un abonamènt. Tuma nota ku prezunan ekspulsá tambe por optené kopianan personal di e revistanan manera ta ser deskribí den e paragraf aki.