Repaso di Dia Spesial di Asamblea

Lo usa e preguntanan aki pa duna un bista di antemano di e programa di e dia spesial di asamblea p’e aña di sirbishi 2005 i tambe komo base pa e repaso. E artíkulo “Areglo Nobo pa Repasá Programanan di Asamblea,” ku nos ta haña na página 4 di e suplemento aki, ta mustra kon mester trata e parti aki. Parti e tempu durante e repaso di tal manera ku tin sufisiente tempu pa hasi tur e preguntanan. E repaso mester enfoká riba kon nos por apliká e informashon ku a ser presentá.

SESHON DI MAINTA

1. Dikon tin un nesesidat kresiente pa skucha Yehova? Kiko kier men skucha? (“Pakiko Skucha e Bos di Yehova”)

2. Kon famianan por mantené un bon programa di aktividat spiritual? (“Famianan Ku Ta Skucha e Palabra di Dios sin Distraishon”)

3. Kon rumannan den nos sirkuito a probechá di oportunidatnan pa duna testimonio informal? (“Hasi Tur Kos pa e Gloria di Dios”)

4. Ki lèsnan nos por saka for di e ehèmpelnan spièrtadó den Hebreonan kapítulo 3 i 4? Kon Yehova ta papia ku nos awe? (“Skucha Ora Dios Ta Papia Ta un Protekshon pa Nos”)

5. Ki benefisio bo a saka for di e diskurso di boutismo? (“Dedikashon i Boutismo”)

SESHON DI ATARDI

6. Kiko nos por ripará di Hesus komo un hóben, i kon hóbennan den nos sirkuito ta imitá su ehèmpel? (“Kon Skuchamentu Atento na e Palabra di Dios Ta Fortifiká Nos Hóbennan”)

7. Kua ta algun manera ku mayornan por kuminsá entrená nan beibinan i nan yunan chikitu den e kamindanan di Yehova? (“Chikitinnan Ku Ta Skucha Dios i Siña”)

8. Kua ta algun di e áreanan spesífiko den kua nos tin ku presta atenshon na Yehova, su Yu i “e esklabo fiel i prudente”? (Mat. 24:45) Dikon ta masha importante pa hasi esei? (“Presta Atenshon Konstante na Instrukshon Divino”)