Programa Nobo pa Asamblea di Sirkuito

Durante e último dianan di e mundu korupto aki, ta masha importante pa nos keda ku nos bistí spiritual i protehá nos identidat kristian. (Rev. 16:15) P’esei ta na su lugá ku e tema di e programa di asamblea di sirkuito pa aña di sirbishi 2006 ta ‘Bisti e Personalidat Nobo.’—Kol. 3:10.

Promé Dia: E promé simposio “Desplegá Aspektonan di e Personalidat Nobo,” lo enfatisá kon ora nos kultivá e personalidat nobo esei lo benefisiá nos den tur área di bida. Kon nos por kultivá e personalidat nobo? Lo konsiderá esaki den e último dos diskursonan di e promé dia, “Disipliná Bo Mes pa Meditá na e Manera Korekto” i “Edukashon Ku Ta Forma e Personalidat Nobo.”

Di Dos Dia: Den e di dos simposio, “Kultivá e Lenga di Hende Sabí,” lo trata kon e personalidat nobo ta influensiá e manera ku nos ta usa nos lenga. E diskurso públiko tin e tema “Bo Ta Vensiendo e Malbado?,” i lo e enfatisá e nesesidat pa keda alerta pa Satanas su táktikanan. E último dos diskursonan di e asamblea, “Konserbá Bo Mes sin Mancha di Mundu” i “Renobá Diariamente e Hende Ku Nos Ta di Paden,” lo yuda nos evitá aktitutnan i kondukta ku ta na konflikto ku Dios su kamindanan hustu, i pa keda firme den nos adorashon na Yehova.

Nos ta anhelá pa risibí e informashon aki ku lo ta un animashon pa nos bisti e personalidat nobo i keda kuné bistí!