Un Provishon pa Ministernan Kristian

¹ Na 1938, Yehova su organisashon a introdusí un areglo nobo. E kongregashonnan a haña invitashon pa asistí na nan respektivo asamblea di zona, loke awor nos ta yama asamblea di sirkuito. Kiko tabata e propósito? E Informadó (awor Nos Ministerio di Reino) di yanüari 1939 a bisa: “E asambleanan akí ta un di e medionan ku Yehova su Organisashon Teokrátiko ta usa pa yuda nos kumpli ku e sirbishi di Reino. E instrukshonnan ku nos ta haña einan ta masha importante pa kada ken por kumpli debidamente ku e trabou asigná.” Ora nos mira kon e kantidat di 58.000 proklamadónan di Reino na 1938 a oumentá bira mas ku 7.000.000 na 2009, ta bisto ku e asambleanan di sirkuito ta logra nan propósito pa yuda ministernan “kumpli debidamente ku e trabou asigná”!

² Tema di e Programa pa Aña di Sirbishi Binidero: Nos ta antisipá e asamblea di sirkuito ku ta kuminsá na sèptèmber i e animashon ku nos lo risibí. E tema “Boso No Ta di Mundu” ta basá riba Juan 15:⁠19. Kua ta algun tema ku sin duda ministernan kristian lo benefisiá di dje? Riba djasabra lo tin e diskurso “Sirbishi di Tempu Kompletu Ta Protehá Nos​—⁠Kon?” Nos lo disfrutá tambe di un simposio ku ta konsistí di tres parti, titulá “Keda Leu di Kontaminashon di . . .” “E Bestia Salbahe,” “E Gran Prostituta” i “E Komersiantenan.” Riba djadumingu nos lo haña e simposio titulá “Stima Yehova i No Mundu.” Otro diskursonan ta entre otro “Sigui Komo ‘Peregrinonan i Stranheronan’ ” i “Tene Kurashi, Bo Por Vense Mundu.”

³ Despues di asistí na un di e último asambleanan di sirkuito, un ruman muhé ku a baha man den sirbishi a skirbi ku e programa a motiv’é pa reevaluá su sirkunstansia i tuma un desishon firme pa “no laga nada strob’é di sali den sirbishi i stòp di pone èksküs!” Sin duda e programa di asamblea di sirkuito di e aña di sirbishi nobo lo yuda kada un di nos stima Yehova i no e mundu. (1 Juan 2:​15-⁠17) Hasi esfuerso pa bo ta presente i atento pa bo por benefisiá plenamente di e provishon amoroso akí pa ministernan kristian!

[Preguntanan di Estudio]

1. Ki areglo nobo a ser introdusí na 1938, i ku ki propósito?

2. Ki informashon nos lo haña na nos asamblea di sirkuito pa e aña di sirbishi nobo?

3. Ki benefisionan nos por saka for di e asamblea di sirkuito?