Programa Nobo di Asamblea di Circuito

Nos sa cu Jehova Dios ta merecé nos amor i nos debocion exclusivo. Sin embargo, mundu ta purba tenta nos pa nos no mantené un relacion estrecho cuné. (Juan 17:14) Pa profundisá nos amor pa Jehova i pa fortalecé nos pa resistí e cosnan di mundu cu ta peligrá nos spiritualidad, e programa nobo di asamblea di circuito pa e aña di sirbishi 2001 lo tin e tema “Stima Dios—No e Cosnan di Mundu.”—1 Juan 2:15-17.

Amor profundo pa Jehova ta impulsá nos pa duna testimonio tocante dje. Asina mes, sirbishi di veld no ta fácil pa hopi hende cu ta parti dje pueblo di Dios. Den e parti “Amor pa Dios Ta Motivá Nos den Nos Ministerio,” siña con hopi ruman a vence timides i otro obstáculo pa asina nan por participá plenamente den e trabou aki.

Con e normanan decadente dje mundu aki ta influenciá nos? Loke na un tempu nan tabata considerá como actonan malbado, awor ta ser yamá comportacion normal. E discurso “Stimadónan di Jehova Ta Odia Loke Ta Malu” i e simposio “Cosnan den Mundu—Con Nos Ta Mira Nan?” lo reforsá nos determinacion pa rechasá mal deseo.

E programa lo tin un modelo dje Scol di Ministerio Teocrático i Reunion di Sirbishi, i tambe un resúmen dje artículo di studio di E Toren di Vigilancia dje siman ei. E discurso público, “Con Amor i Fe Ta Vence Mundu,” lo animá nos pa imitá Jesus den resistí preshon mundano. (Juan 16:33) Haci sigur di invitá bo studiantenan di Bijbel pa nan asistí. Ken cu kier bautisá mester bisa e superintendente presidente mas pronto posibel, pa asina por haci e areglonan necesario.

E asamblea di circuito aki lo enfocá nos atencion riba kico precis nos amor mester ta concentrá, pa asina nos por disfrutá di Jehova su bendicion ricu. No perde niun pida di dje!