Kiko Nos Por Bisa di e Revistanan

E Toren di Vigilansia 1 di Yüni

“Kasi tur dia nos ta tende notisia tokante hende ku ta kometé malecho. [Menshoná un ehèmpel aktual ku ta konosí lokalmente.] Bo a yega di puntra bo mes si tin un fuente maligno invisibel ku ta influensiá hende? [Permití e persona kontestá. Kaba lesa Revelashon 12:⁠12.] E revista aki ta splika kon nos por protehá nos mes.”

¡Despertad! Yüni

“Mi tin gana di sa bo opinion riba loke e teksto aki ta bisa. [Lesa 1 Timoteo 6:⁠10.] Abo ta haña ku hende ku ta biba pa gana plaka i kosnan material en bèrdat ta sufri e konsekuensianan aki? [Permití e persona kontestá.] E revista aki ta papia di e mal konsekuensianan ku korementu tras di rikesa ta trese kuné.”

E Toren di Vigilansia 15 di Yüni

“Bo a ripará ku hopi hende awe ta skohe nan propio normanan pa loke ta bon i malu? [Permití e persona kontestá.] Wak un ehèmpel aki di norma duradero ku Beibel ta menshoná. [Lesa un teksto for di e kuadro na página 6-7.] E revista aki ta splika ki benefisio nos ta saka ora nos ta biba segun e normanan moral di Beibel.”

¡Despertad! Yüni

“Nos tur tin mester di plaka pa biba. Pero bo ta kere ku hende por bira demasiado preokupá tokante kon pa gana plaka? [Permití e persona kontestá.] Wak kiko ta e konsekuensianan di korementu tras di plaka, segun e teksto aki. [Lesa 1 Timoteo 6:⁠10.] E revista aki ta duna algun sugerensia práktiko tokante kon pa simplifiká bo bida i biba ku ménos sèn.”