Kiko Nos Por Bisa di e Revistanan

E Toren di Vigilansia 1 di Mei

“Morto di un yu ta kousa mayornan un doló profundo i duradero. Unda bo ta kere nan por akudí pa haña konsuelo? [Permití e persona kontestá. Kaba referí na Romanonan 15:5, den e revista na página 4.] E revista aki ta trata algun manera den kua Dios ta suministrá konsuelo pa esnan ku ta ferdrit.”

¡Despertad! Mei

“Tin hende ta gosa di prosperidat, miéntras ku miónes di otro hende ta biba den pobresa. Bo ta kere ku nos lo mira e dia ku e desigualdatnan ei lo disparsé? [Permití e persona kontestá.] Wak kiko Dios ta pensa di hende pober. [Lesa Salmo 22:24.] E revista aki ta duna splikashon di e speransa bíbliko pa hende pober.”

E Toren di Vigilansia 15 di Mei

“Kon lo bo kontestá e pregunta aki? [Lesa e pregunta riba e portada. Kaba permití e persona kontestá.] Beibel ta duna nos un motibu pa speransa. [Lesa Mateo 6:9 i 10.] E revista aki ta splika kon e Reino di Dios lo perkurá pa Dios su boluntat sosodé riba tera.”

¡Despertad! Mei

“Bo ta kere ku Dios a predeterminá nos akshonnan i nos destino final? [Permití e persona kontestá.] Segun e versíkulo aki di Beibel, Dios ta permití hende skohe e manera ku nan ke biba. [Lesa Deuteronomio 30:19.] E artíkulo aki ta mustra loke Beibel ta bisa tokante e tópiko ei.” Hala atenshon na e artíkulo ku ta kuminsá na página 12.