Kiko Nos Por Bisa di e Revistanan

E Toren di Vigilansia 1 di Mei

“Dikon bo ta kere ku ta difísil tin biaha pa hende tin fe den Dios? [Permití e persona kontestá.] Segun e teksto di Beibel akí, fe ta importante. [Lesa Hebreonan 11:6.] E revista akí ta papia di kuater kos ku nos tin ku hasi pa fortalesé nos fe.”

¡Despertad! Mei

“Algun lider religioso ta bisa ku si nos agradá Dios, lo e duna nos prosperidat material. Sinembargo, kasi sigur bo konosé bon hende ku ta pober. Bo ta kere ku Dios ke pa nos ta riku? [Permití e persona kontestá. Lesa Hebreonan 13:5.] E artíkulo akí ta splika nos kon Dios ta bendishoná nos.” Hala atenshon na e artíkulo ku ta kuminsá na página 12.

E Toren di Vigilansia 1 di Yüni

“Bukinan ku ta duna konseho enkuanto kon pa lanta yu, tokante amor i desaroyo personal ta masha popular awe. Abo ta haña nan útil? [Permití e persona kontestá.] Hopi hende ta lubidá riba e fuente di konseho sabí akí. [Lesa 2 Timoteo 3:16.] E revista akí ta splika dikon nos por konfia Beibel i e ta duna nos algun ehèmpel di konseho práktiko ku tin den dje.”

¡Despertad! Yüni

“Manera bo sa, diskushonnan fuerte ta tumando lugá enkuanto si aborto ta korekto òf nò. Bo ta kere ku Beibel por yuda un hende disidí kiko pa hasi? [Permití e persona kontestá. Lesa 2 Timoteo 3:16 i 17.] E revista akí ta mustra kiko Beibel ta bisa tokante e tópiko akí.”