Kiko Nos Por Bisa di e Revistanan

E Toren di Vigilansia 1 di Mei

“Hopi hende ta bisa ku nan ta kere solamente den loke nan por mira. Bo ta di akuerdo ku nan? [Permití e persona kontestá. Kaba lesa Romanonan 1:20.] E revista aki ta konsiderá tres kualidat sobresaliente di Dios ku nos por mira bon kla den kreashon. Tambe e ta mustra ki efekto e kualidatnan aki por tin riba nos.”

¡Despertad! Mei

Lesa Mateo 6:10. Kaba puntra: “Bo a yega di puntra bo mes kiko ta Dios su boluntat p’e tera? [Permití e persona kontestá.] Segun Beibel, Dios tabatin un propósito p’e tera desde prinsipio i e propósito ei no a kambia. E artíkulo aki ta duna un splikashon tokante esei.” Hala atenshon na e artíkulo ku ta kuminsá na página 10.

E Toren di Vigilansia 1 di Yüni

“Un di e relatonan bíbliko mihó konosí ta esun di Noe i e Diluvio. Abo ta kere ku e Diluvio realmente a sosodé? [Permití e persona kontestá.] Ta interesante pa mira kon Hesus a referí na dje komo algu ku realmente a tuma lugá. [Lesa Lukas 17:26 i 27.] E revista aki ta mustra dikon nos por kere e relato di Diluvio. Tambe e ta splika ki lès importante nos por saka for dje.”

¡Despertad! Yüni

“Ta un desafio pa lanta yu, spesialmente ora nan bira teenager i ta pasando den kambionan dramátiko. Na unda bo ta kere ku mayornan por haña konseho konfiabel? [Permití e persona kontestá. Kaba lesa Isaias 48:17 i 18.] E revista aki ta duna algun sugerensia al dia pa yuda mayornan aktua ku sabiduria i komprondementu.”