Kiko Nos Por Bisa di e Revistanan

E Toren di Vigilansia 1 di Yüni

“Bo ta kere ku tur religion ta aseptabel den Dios su bista? [Permití e persona kontestá.] Ta interesante pa mira kon Dios a reakshoná ora Israel di antigwedat a adoptá e práktikanan religioso di e nashonnan rònt di nan. [Lesa Ezekiel 6:6.] E artíkulo aki ta kontestá e pregunta, ‘Ta Importá Kon Nos Ta Adorá Dios?’” Hala atenshon na e artíkulo ku ta kuminsá na página 8.

¡Despertad! Yüni

“Sin duda lo bo ta di akuerdo ku e añanan di pubertat ta añanan difísil tantu pa e tiner komo pa su mayornan. Bo ta kere ku siguiendo e konseho aki mayornan lo por mehorá den kriamentu di yu? [Lesa Santiago 1:19. Kaba permití e persona kontestá.] Lo bo benefisiá di e sugerensianan práktiko basá riba Beibel den e revista aki.”

E Toren di Vigilansia 1 di Yüli

“Nos tur ta eksperensiá e doló di pèrdè un ser kerí den morto. Bo ta kere ku Beibel por yuda nos na e momentonan ei? [Permití e persona kontestá. Kaba lesa Salmo 55:22.] E revista aki ta duna algun sugerensia práktiko basá riba Beibel pa trata ku e asuntu aki.”

¡Despertad! Yüli

“Hende kasá ta bou di mas i mas preshon, i hopi matrimonio ta terminá den divorsio. Bo ta kere ku si un hende tuma e konseho aki na pechu lo e tin éksito den su matrimonio? [Lesa Proverbionan 12:18. Kaba permití e persona kontestá.] E revista aki ta trata mas prinsipio bíbliko ku por yuda parehanan kasá fortalesé nan relashon.”