Karta di Sukursal

Kerido Publikadónan di Reino,

E aña di sirbishi ku a pasa tabatin vários máksimo nobo pa nos teritorio. Esaki ta mustra ku boso a traha duru pa kompartí e bon nobo! Na aprel di e aña akí, nos a disfrutá di e reunion teokrátiko di mas grandi den historia di e islanan ABC, ya ku tabatin un asistensia di 3.144 hende pa e diskurso di e superintendente di zona. Ki un gran goso!

E proyekto di konstrukshon na Schelpwijk, Kòrsou, ta bayendo bon. Vários di boso a hasi kaso di e yamada pa bin yuda ku e proyekto, i nos ta elogiá boso pa esei. Ya ku lo bai tin mas oportunidat pa traha riba e proyekto huntu ku trahadónan internashonal, nos kier animá boso pa mantené e spiritu boluntario ei. Nos ta anhelá e dia ku lo usa e edifisio nobo akí pa e alabansa i onor di Yehova.

Kuerpo gobernante ketu bai ta preokupá ki metanan hóbennan den nos teritorio ta pone. Te ainda tin un gran nesesidat di trahadónan boluntario na Bètel. Sea ku e trabou ta direktamente relashoná ku tradukshon di literatura bíbliko na papiamentu, òf otro asignashonnan ku ta sostené e trabou ei, tur ta sirbishi sagrado na Yehova ku ta duna goso. Bètel ta e úniko lugá kaminda boso trabou por benefisiá tantu e rumannan den nos teritorio komo tur esnan ku ta hasi uso di nos literatura na Hulanda! Hóbennan, nos ta animá boso pa pone sirbishi di Yehova komo e meta prinsipal den boso bida. Si boso ‘kòrda riba boso Kreador den e dianan di boso hubentut,’ boso lo ser bendishoná pa semper!​—⁠Eklesiastés 12:⁠1.

Boso rumannan,

Sukursal di Kòrsou