Mi Ta Kapasitá pa Prediká?

1. Dikon nos no mester sinti nos mes inkapasitá pa prediká?

¹ Si bo a yega di hasi bo mes e pregunta ei, no sinti bo malu! No ta edukashon eskolar ni abilidat spesial ku un hende ta nase kuné ta kapasit’é pa prediká. Algun disipel di promé siglo a ser deskribí komo hòmbernan ku ‘no tabata eduká ni siñá.’ Tòg, nan tabata predikadónan efektivo di e bon nobo pasobra nan tabata determiná pa sigui Hesus su ehèmpel.​—⁠Echo. 4:⁠13; 1 Ped. 2:⁠21.

2. Kiko tabata algun karakterístika di Hesus su manera di siña hende?

² Hesus Su Manera di Siña Hende: Su manera di siña hende tabata simpel, práktiko i fásil pa komprondé. Su preguntanan, ilustrashonnan i introdukshonnan sensio tabata hala atenshon di su oyentenan. (Mat. 6:⁠26) El a mustra interes sinsero den hende. (Mat. 14:⁠14) Ademas, Hesus a papia ku konfiansa i outoridat, teniendo na mente ku ta Yehova tabata esun ku a dun’é su asignashon i e poder p’e kumpli kuné.​—⁠Luk. 4:⁠18.

3. Kon Yehova ta yuda nos kumpli ku nos ministerio?

³ Yehova Ta Yuda Nos: Nos Magnífiko Instruktor ta perkurá pa nos haña e entrenamentu ku nos tin mester pa prediká e bon nobo na un manera efikas. E ta hasi esei mediante su Palabra i su organisashon. (Isa. 54:⁠13) Dor ku Yehova a preservá Hesus su método di siñansa den Beibel, nos por analisá i imitá su manera di siña hende. Yehova ta duna nos su spiritu santu i ta entrená nos mediante e reunionnan di kongregashon. (Juan 14:⁠26) Ademas, e ta perkurá pa nos haña yudansa di publikadónan eksperensiá ku por yuda nos bira mas efikas.

4. Dikon nos tin tur motibu pa sinti nos mes kapasitá pa kompartí e bon nobo ku otro hende?

⁴ Nos tin tur motibu pa sinti nos kapasitá pa prediká, ya ku “nos kapasidat ta bini di Dios.” (2 Kor. 3:⁠5, BPK ) Ora nos ta konfia den Yehova i fielmente ta hasi bon uso di su provishonnan amoroso, nos lo “ta kualifiká i bon prepará pa hasi tur sorto di bon obra.”​—⁠2 Tim. 3:⁠17, BPK.