Kiko Nos Por Bisa di e Revistanan

E Toren di Vigilansia 1 di Yüni

“Awe hopi iglesia no ta papia di piká manera nan tabata hasi algun aña pasá. Abo ta kere ku piká ta un konsepto antikuá, òf e ta algu ku nos mester preokupá kuné? [Permití e persona kontestá. Despues lesa Romanonan 5:⁠12.] E revista akí ta mustra kiko Beibel ta bisa tokante piká.”

¡Despertad! Yüni

“Hopi biaha iglesianan ta kobra pa boutismo, kasamentu i entiero. Bo ta kere ku esei ta korekto? [Permití e persona kontestá.] Laga nos wak e instrukshonnan ku Hesus a duna su disipelnan. [Lesa Mateo 10:​7 i 8b.] E artíkulo akí ta mustra loke Beibel ta bisa tokante kobramentu pa sirbishinan religioso.” Hala atenshon na e artíkulo ku ta kuminsá na página 22.

E Toren di Vigilansia 1 di Yüli

“Hopi hende simplemente ta yama e Todopoderoso: Dios. Pero, bo tabata sa ku Beibel den su idioma original a menshoná Dios su nòmber? [Permití e persona kontestá. Despues lesa Isaias 42:⁠8a.] Pues, den e idioma original e versíkulo akí ta menshoná e nòmber di Dios. E revista akí ta splika dikon algun tradukshon di Beibel no tin e nòmber di Dios i kiko konosé Dios su nòmber ta enserá.”

¡Despertad! Yüli

“Situashon ekonómiko ta kousa hopi angustia. Hende ku no tin trabou ta sinti strès i esnan ku tin trabou tin miedu di pèrdè nan trabou. Bo ta kere ku e siguiente palabranan por yuda nos trata ku e problema akí? [Lesa Mateo 6:⁠34. Despues permití e persona kontestá.] E revista akí ta duna nos tepnan práktiko tokante kon pa manehá nos plaka i nos emoshonnan.”