Kiko Nos Por Bisa di e Revistanan

E Toren di Vigilansia 1 di Òktober

“Rònt mundu hende di diferente religion ta hasi orashon. Bo ta kere ku Dios realmente ta tende i kontestá orashon? [Permití e persona kontestá.] Beibel ta animá nos pa hasi orashon. [Lesa Filipensenan 4:​6 i 7.] E revista akí ta duna kontesta riba shete pregunta ku hende sa hasi tokante orashon.”

¡Despertad! Òktober

“Tin hende no ta mira Dios komo un persona sino komo un forsa bashí. Tin otro hende ta kere ku e ta un persona ku sintimentu. Kiko abo ta pensa? [Permití e persona kontestá.] Mira un deklarashon interesante akí. [Lesa 1 Pedro 5:​6 i 7.] E artíkulo ku ta kuminsá na página 29 ta duna kontesta bíbliko pa e pregunta, Dios ta un persona real?”

E Toren di Vigilansia 1 di Novèmber

“Nos tur ke sinti nos satisfecho den bida. Bo ta kere ku nos tin mester di plaka pa nos ta satisfecho? [Permití e persona kontestá.] Un eskritor di Beibel a siña di ta satisfecho ora e tabatin tiki. [Lesa Filipensenan 4:​11 i 12.] E revista akí ta papia riba sinku sekreto bíbliko ku por yuda hende haña un sintimentu di satisfakshon.”

¡Despertad! Novèmber

“Debí na e kosnan malu ku hende a hasi den nòmber di Dios, algun ateista ta pensa ku mundu lo ta un mihó lugá si religion no tabata eksistí. Kiko abo ta kere? [Permití e persona kontestá.] Wak un motibu pakiko religion falsu a kousa sufrimentu. [Lesa 2 Timoteo 4:​3 i 4.] E revista akí ta mustra algun fayo ku tin den e manera ku ateistanan ta rasoná.”