Abo Lo Traha Pionero Ousiliar?
1. Dikon e temporada di Memorial lo ta un bon oportunidat pa traha mas den sirbishi?
1 E temporada di Memorial lo ta un bon oportunidat pa nos traha mas den sirbishi. Den e temporada akí nos ta meditá riba e gran amor ku Yehova a demostrá ora el a manda su Yu komo reskate. (Huan 3:16) Esaki ta oumentá nos apresio i ta motivá nos pa papia ku otro hende tokante Yehova i loke e ta hasiendo pa humanidat. (Isa. 12:4, 5; Luk. 6:45) Den e tempu akí nos ta disfrutá tambe di un kampaña spesial pa invitá nos konosínan i hende den teritorio pa asistí na Memorial. Despues nos ta hasi esfuerso pa sigui kultivá interes di esnan ku a asistí. Abo lo por traha pionero den mart, aprel òf mei?
2. Dikon mart lo ta un bon luna pa traha pionero?
2 Hasi Mart un Luna Spesial: Mart lo ta un bon luna pa traha pionero ousiliar. Publikadónan ku ke traha pionero den mart por opta pa traha sea 30 òf 50 ora. Ademas, si e superintendente di sirkuito ta bishitá e kongregashon den mart, e pioneronan ousiliar ta ser invitá pa ta presente durante henter e reunion ku lo e tene ku e pioneronan regular i spesial. E kampaña pa parti invitashon di Memorial, ku lo tuma lugá djamars 26 di mart 2013, lo ta mas largu ku e añanan promé; lo e kuminsá 1 di mart. Ademas, mart tin sinku wikènt kompleto. Pues kuminsá plania for di awor pa hasi mart un luna spesial.
3. Kon nos por plania pa traha mas den sirbishi?
3 Plania for di Awor: Awor ta e momento pa wak bo programa i mira ki ahustenan bo mester hasi pa por traha pionero. Ta importante pa e famia kooperá un ku otro. P’esei saka tempu durante boso anochi di Adorashon Komo Famia pa konsiderá e metanan ku boso tin i traha un programa. (Pro. 15:22) Si bo no por traha pionero ousiliar, no desanimá. Lo bo por plania pa traha un tiki mas den sirbishi e dianan ku bo ta sali normalmente? Òf lo bo por sali un dia mas durante siman?
4. Ki benefisio nos ta saka ora nos oumentá nos aktividat den mart, aprel i mei?
4 Ora nos oumentá nos aktividat den mart, aprel i mei, nos lo oumentá e goso i satisfakshon ku nos ta sinti den sirbi Yehova i den duna di nos mes na otronan. (Huan 4:34; Echo. 20:35) Pero mas importante ainda, nos esfuersonan èkstra lo hasi Yehova kontentu.—Pro. 27:11.