Kon pa Mehorá Nos Sirbishi: Prepará un Bon Introdukshon

Dikon e Ta Importante: Si nos introdukshon no ta lanta interes di e persona ku ta skucha nos, lo e por para e kòmbersashon promé ku nos por dun’é testimonio. P’esei, hopi publikadó ta haña ku e promé frasenan di nan presentashon ta masha importante. Aunke Nos Ministerio di Reino i e buki Rasonamentu, na spañó, ta sugerí algun presentashon, no ta semper nan ta kompleto; pues tin espasio pa ta fleksibel. Asta si e presentashon ta kompleto, publikadónan por adapt’é òf prepará un di nan mes. Nos lo tin mas éksito si nos prepará nos promé frasenan bon en bes di djis bisa loke bini na nos mente ora ku e persona bini na porta.—Pro. 15:28.