Kon pa Mehorá Nos Sirbishi: Mustra Interes den Hende

Dikon E Ta Importante: Hesus no a trata hende na un manera kolektivo. Mas bien, el a mustra amor i interes den kada un. Na un okashon e tabata bai kura un hòmber surdu i, komo kisas el a ripará ku e hòmber tabata sintié un tiki inkómodo, el a hal’é un banda, leu for di bista di e otronan. (Mar. 7:31-35) El a mustra konsiderashon na su disipelnan, rekonosiendo nan limitashonnan i no a karga nan ku demasiado informashon. (Huan 16:12) Hesus ta sigui mustra interes den hende asta for di shelu. (2 Tim. 4:17) Komo siguidónan di Kristu, nos ke ta meskos kuné. (1 Ped. 2:21; 1 Huan 3:16, 18) Pa nos tin éksito den nos sirbishi nos mester mustra konsiderashon pa e personanan i tene kuenta ku nan sirkunstansia-, interes- i preokupashonnan. Nan lo ta mas inkliná pa skucha si nan sinti ku nos no a bini djis pa papia ku nan di un mensahe òf laga literatura, sino pasobra nos ta interesá den nan.