Kon pa Mehorá Nos Sirbishi: Kuminsá un Estudio di Beibel na Porta ku e Foyeto Dios Tin Bon Notisia pa Nos!
Dikon E Ta Importante: Pa nos hasi hende disipel, nos mester sa kon siña nan e Palabra di Dios. (Mat. 28:19, 20) Nos tur por ta bon maestro di e bèrdat si nos usa e hèrmèntnan ku nos tin na nos alkanse. Un publikashon ku a ser prepará spesialmente pa yuda nos ku esaki ta e foyeto: Dios Tin Bon Notisia pa Nos! De echo, nos por us’é pa kuminsá un estudio di Beibel for di e promé biaha ku nos papia ku un persona na su porta.
Purba di Hasi Esaki Durante e Luna Akí:
Hasi orashon pa bo haña e deseo di tin un estudio di Beibel. Pidi Yehova yuda bo kuminsá un estudio di Beibel i pa bo ta un bon maestro di e bèrdat.—Flp. 2:13.
Durante bo Adorashon Komo Famia òf estudio personal, tuma tempu pa siña e presentashon. Asina bo por papia ku konvikshon i ta mas fásil pa bo kuminsá un estudio di Beibel na porta.