Kuantu Bo Ta Balorá e Palabra di Dios?

Yehova ta Outor di e buki sagrado, Beibel. Den Beibel, nos ta haña e pensamentunan i e palabranan di Yehova. (2Pe 1:20, 21) Beibel ta mustra bon kla ku Yehova lo proba ku é so tin derecho di goberná i ku lo e usa e Reino pa transformá tera den un paradeis. P’esei, nos tur por spera un futuro maravioso. Ademas, Beibel ta siña nos tokante e personalidat di nos amoroso Tata selestial, Yehova.—Sl 86:15.

Kada un di nos ta balorá Beibel pa diferente motibu. Pero, nos ta les’é tur dia i ta apliká su konsehonan den nos bida pa asina demostrá ku nos ta balor’é? Nos lo ke pa nos echonan demostrá ku nos tin e mes sintimentu ku e salmista, kende a skirbi: “O kuantu mi ta stima bo lei!”—Sl 119:97.

WAK E VIDIO FRAGMENTO DI NAN A BALORÁ BEIBEL. (WILLIAM TYNDALE), I DESPUES KONTESTÁ E SIGUIENTE PREGUNTANAN:

• 

  Dikon William Tyndale a tradusí parti di Beibel?

• Dikon su esfuerso pa tradusí Beibel tabata asina impreshonante?

• Kon algun Beibel di Tyndale a drenta Inglatera?

• Kon kada un di nos por demostrá ku nos ta balorá e Palabra di Dios?